[أبو نوح]

بسم الله الرحمن الرحيم

أيها الإخوة الأعزاء

السلام عليكم ورحمة الله وبركاته

ها أنا أعود إليكم من جديد

بهذه القصيدة وهي مناشدة لسيدي خادم الحرمين الشريفين

بخصوص حقوق المعلمين والمعلمات

الدرجة المستحقة + الفروقات + احتساب سنوات البند

http://www.youtube.com/watch?
v=ptn0btQcNIU&feature=player_embedded

وإليكم القصيدة كتابةً

الولاء لله ثم لْك يا أبو متعب=نثبته ونصونه ولا نخون نصوصه
ويا حبيب الشعب هذي رسالة منا=بأمر حاصل ودنا نبلغك بخصوصه
ياحبيب الشعب عطنا حفظك الوالي=حقنا تكفى ترى بطونّا ممغوصه
من ثلاث سنين نركض ورى مطلبنا=لين هذا اليوم وحقوقنا منقوصه
وأنت لا مديت مدتك ما نجحدها=وافية وتعم شعبك ماهي مخصوصه
وأنت لا صدرت صدرت الأمر السامي=والهبيل اللي يبي يشق به ويحوصه
وغير هذا عندنا علم ياوالدنا=دايمٍ نوحيه وآذانّا مقروصه
الفساد معششٍ في مواضع واجد=مير قبل يزيد بيضه ويدرج صوصه
اضرب بعدلك على هامة المتمادي=وكان طاح الخاتم تطيح معه فصوصه
وأنت تعرفنا وتعرف بعد وقفتنا=وتعرف ان أرقابنا بالعهد مقلوصه
بيعةٍ ماهيب تنقض لظرفٍ طاري=دام تحكيم الشريعة مابان نكوصه
والسفيه اللي بزعمه يبي يفرقنا=ما علينا من دعاويه ومن خروصه
نسفهه ونسكر أسماعنا عن صوته=وان حدانا نرد خشمه على عصعوصه
خابت الغربان ونعيقها حيلتها=وخاب مشروع المخطط وخاب قنوصه
والله انا غير لنموت من قاصينا=ولا تطيح بهالوطن لبنةٍ مرصوصه

المعلم الشاعر / مضيان عواد الرشيدي

ملاحظة: أرجو من المشرفين تنسيق القصيدة

الموضوع الأصلي: رسالة المعلمين إلى خادم الحرمين الشريفين ( قصيدة ) للمعلم مضيان الرشيدي | | الكاتب: أبو نوح | | المصدر: شبكة بني عبس

[عويض بن شامان بن خلف]

صح لسانك يامضيان
والله يحقق لكم وللجميع مطالبهم
كفويت وفيت يابونوح

[عقيد المدرهمات]

على العموم وفقك ربي أبو نوح والله يعطيك العافية

وبارك الله فيك

والله يعين المعلمين ويأخذ كل حق حقه

وصح الله لسان الشاعر الأستاذ : مضيان الرشيدي

[بندرأبن طريف المظيبري]

أخي الشاعر أبو نوح يعطيك ألف عافية
كما لأزيد علي كلام أخي الحبيب
عقيد المدرهمات
ولك كل التوفيق
ونتمنى لهم التوفيق والفرج القريب بأذن الله
بوادر الخير قادمة با الطريق

بمشيئة الله تعالي

برعاية مولاي خادم الحرمين الشريفين حفظة الله ورعاة
تحياتي لكم

[أبو نوح]

أشكر الجميع على مرورهم

[طلال محمد ناهس]

صح لسانك يامضيان
والله يحقق لكم وللجميع مطالبهم
كفويت وفيت يابونوح

[دانه]

صح الساااااانك يابووووووووووو نوووووووووح

[عايد2001]

صح السان شاعرها
ولاهنت ابونوح على النقل