[بندرأبن طريف المظيبري]

إن جيت جاني الحب مثـل الهديـة

شفت النحل وشلون يبنـي الخليـه
مثله بنيت بداخل القلب لك بيت



ياللي سكنت الروح عن طيب نيـة
ماني سعيد القلب لا مـن تخليـت



الحـب نيـة والنـوايـا مطـيـة
ومن مدلي فنجان حبـه تقهويـت



إن جيت تفتـح للمشاعـر شهيـة
هذا أنت عني مبتعد كيـف لأجيـت



إن جيـت رد الـورد للمزهـريـة
ورديت لأجل الليل كـل المواقيـت



إن جيت جاني الحب مثـل الهديـة
وإن رحت ماخليت شـيء وبقيـت



غير الحزن وأنياب سـود المنيـة
وغير الفضا لاضاق صدري وناديت



لو شاف شعري من جمالك خطيـه
ما قد بنيت القاف لأجلـك وهديـت



لا أبو شعور الحب لا رحـم حـيـه
إن كان جيتك بالغلا وأنت صديـت



شفت الفـراق اللـي يمـد لي يديـه
هـمٍ يكـدر خاطـري لأتمنـيـت



أصعب من فراق الخوي عن خويه
وأصعب على العشاق من قول ياليت



شفت النحل لو شفت شكل الخليـه
تقدر تشوف أصل التعب يوم حبيت

الموضوع الأصلي: شفت النحل وشلون يبنـي الخليـه | | الكاتب: بندرأبن طريف المظيبري | | المصدر: شبكة بني عبس

[سحايب]

صح الســان شاعرها
قصيده للجمال موطن بين ابياتها
يعطيك العافيه على مانقلت

[رسام الغروب]

صح السانك وعتلا شانك لاهنت هرم عبس ابدااااع

[احساس الشمال]

صح السان شاعرها
ابيات تحمل في حناياها
روعه واحساس ومعاني جميله
روووعه يسلموعالطرح

[بندرأبن طريف المظيبري]

اقتباس من مشاركة دمعه صح الســان شاعرها قصيده للجمال موطن بين ابياتها يعطيك العافيه على مانقلت

أخت دمعه

[بندرأبن طريف المظيبري]

اقتباس من مشاركة رسام الغروب صح السانك وعتلا شانك لاهنت هرم عبس ابدااااع

رسام الغروب عزيز وغالي لبا كلك
ومنبع ذوقك علي هذة الكلمات الرائعة
أنت رائع بحق
تحياتي لك . أخوك هـــــــــ عبس ـــــــــرم

[بندرأبن طريف المظيبري]

اقتباس من مشاركة احساس الشمال صح السان شاعرها ابيات تحمل في حناياها روعه واحساس ومعاني جميله روووعه يسلموعالطرح

احساس الشمالالذائقة روعة كلماتك

أشكرك بكل ود بارك الله فيك وبكلماتك التي تحمل معاني كثيرة جميلة لروعة مرورك علي هذه الصفحة

تحــــياتي
إليك أخوك ..
هرم عبـــس

[برستيجي شموخي]

الله الله اللــــــــــــــــــــــــــه سرى
مبدع يعطيك العافيه

تقبل مرووووري