[بدر الحشية]

حبيت ان انقل لكم رائعة من روائع الشاعر المرحوم / فديغم بن خنيفرالرويضي

انـا احمـدالله مـا تبينـت بثلـوم=اول شباب وتالـي الوقـت شايـب
من خلقتي وانا بعيـد عـن اللـوم=ولاني على جاري كثير الطلايـب
ولاني من اللي ينقـل الكبروالـزوم=ولاني من اللي يسهجـون النوايـب
ولاني بسب الناس يا علي ملـزوم=ولا وجه المعنى على غير صايـب
عقلي حفظه الله بالاظلاع مضمـوم=ولا فك ديوانه علـى كـل خايـب
يا علي خلك بالسعـه وابعدالحـوم=والرزق عند اللي يديـر الهبايـب
الحر حـر ولا يوقـع مـع البـوم=حـر مخاليبـه شطـار عطايـب
ربعك هل الطولات ذباحت الكـوم=اهـل المـروة مكرميـن القرايـب
ارباعهم يجلس بهـا كـل شغمـوم=وسوالف يا علـي تاتـي غرايـب
بني رشيـد مزبنـة كـل مظيـوم=على المهـار وموميـات الجنايـب
الجار معهـم مكـرم دايـم الـدوم=يرفا خمالـه لـو يجيبـه عوايـب
يجلس بمجلاس الشرف وهو محشوم=وستر لعاراته اليـا صـار غايـب
والناس تمشي في قوانيـن وسلـوم=وكل على الطوله يحـث الركايـب
والمرجلة بين العرب حظ وقسـوم=حظ من الله ما تجـي بالغصايـب

الموضوع الأصلي: الشاعر المرحوم / فديغم بن خنيفرالرويضي | | الكاتب: بدر الحشية | | المصدر: شبكة بني عبس

[الهنوف]

صح لسااااااااااانك اخوي وومشكووور على النقل الرااائع....

تمنياتي لك بالتوفيق
اختك الهنوف

[بدر الحشية]

اسعدني مرورك الرائع
دمتي بخير

[صادق الوعد]

الاخ العزيز بدر مشكور على النقل وصح السان الشاعر قصيده في قمة الروعه

[بدر الحشية]

اقتباس من مشاركة صادق الوعد الاخ العزيز بدر مشكور على النقل وصح السان الشاعر قصيده في قمة الروعه

مشكور على المرور العذب ولاهنت

[!! هـيـبـة مـلـكـ !!]

بدر لاهنت على النقل