[أحاسيس]

فرقا وليفي يابو ناوي شطني
اليا ذكر بالقلب ياشين طاريه
وانصى عزيز النفس بوضاح مني
عز الصديق وخاسراً من يعاديه
رجلاً حكيم الرأي في حسب ظني
والطيب عنده عالياتٍ مبانيه
واشكي عليك الي له القلب حني
الصاحب الي ود عيني تراعيه
لا واهنيه عايشٍ في تهني
مرتاح قلبه صافي الوقت معطيه
ماهو بمثلي هاجس الفكر وني
عزي لمن مثلي تذارف عباريه
صبرت لين ايام صبري مضني
لين اندمر قلبي وبانت خوافيه
جتك البيوت الي وفن ماقصرني
والهرج وافٍ واضحاً من معانيه
وقد استقت له هذا الابيات
حي العزيز الي بيوته لفني
من شاعراً عزت عليه بلاويه
شاعر به هموم الليالي مضني
مرتاع قلبه سافياتٍ سوافيه
يشكي فراق الي له القلب حني
الصاحب الي مبعداتٍ مداليه
الا يابن نشمي اقضب الهرج عني
اسمع قصيدٍ محكماتٍ قوافيه
بعض الوجع نلقاله طبٍ يمني
والبعض الاخر ماله طبٍ يداويه
قبلك وانا الي صاحبي ممتحني
اقفى وخلا القلب يدرج مفاليه
لاهو ذبح قلبي ولاهو رحمني
الله حسيبه مارحم قلب غاليه
منه الحنايا والمشاعر توني
ياما شربنا من هماجه وحاليه
لو يعترضلي دونه الفين جني
نذراً لابيع النفس واتبع خطاويه
مير البلا عنه الليالي حدني
واقفيت كني من فقد شوف واليه
جتك البيوت الي عن الخلق تغني
هرجٍ مقفى زاهياتٍ معانيه
واقبل سلامي عد مالشاص حني
في ليلةٍ طالت علينا مسااريه

الموضوع الأصلي: قصيدة لو يعترضلي دونه الفين جني نذراً لابيع النفس فهد المهيمزي | | الكاتب: أحاسيس | | المصدر: شبكة بني عبس

[ابو على 2011]

شكرا على القصيده ارائعه وتقبلو مروري

[سحايب]

صصح الســان شاعرها
وسلمت يمناك على النقل

[بندر الشويلع]

صح لسان شاعرها وتسسسسسلم يمين ناقلها
وختيار موفق

[احمد منيف]

صح الله لسان شاعريها لاهنتي اختي ع النقل :)

[نواف فضي]

صح لسان شاعرها وتسسسسسلم يمين ناقلها
وختيار موفق

[أحاسيس]

اقتباس من مشاركة المرايشي الاول شكرا على القصيده ارائعه وتقبلو مروري

مرورك الاروع اخوي

[أحاسيس]

اقتباس من مشاركة دمعه صصح الســان شاعرها وسلمت يمناك على النقل

يسعدني مرورك غلاتي