[خليف الوهيداني]

سلام يامن بالبطوله تعومي=يامواجهن في قوة العزم دنياك
صحيح يبغى العلم قوة عزومي=وانته وصلت وفعل يالقرم يمناك
ياحر نبغى بالطويله تحومي=حنا هناك بكل عام انتحراك
نبا القمر نوره يغط النجومي=وتاصل علومه لهذولا وذولاك
وحلا الربيع ليا سبقته الوسومي=ماحلا الوسم لاطاح ثم الحيا جاك
جعل حياتك بالسعاده تدومي=وعلى الشرف والعز ممشى مطاياك
وفداك ياشيخ الرجال الرخومي=اللي عليهم صعب دربك وممشاك
الرجل ماهو رزت(ن)بالهدومي=الرجل فكر وعقل مثلك وشرواك
ندر الحياه الرزق فيها قسومي=لكن لو لا السعي ماجيت عداك

الموضوع الأصلي: اهدا للاستاذ محمد حمد الخزيم | | الكاتب: خليف الوهيداني | | المصدر: شبكة بني عبس

[بدر الحشية]

صح لسانك
والاستاذ محمد يستاهل
وان شاء الله نشوفه بالمراتب العليا

[فيصل الرشيدي]

صح لسانك واعتلا شانك


والقصيدة نقلت لمكانه الصحيح


لا عدمناك يا خليف الوهيداني

[صادق الوعد]

مشكور خليف وصح السانك

ويستاهل ..الاستاذ محمد

الله يعطيك العافيه

[ابو عبدالعزيز]

صح لسانك
والاستاذ محمد يستاهل
وان شاء الله نشوفه بالمراتب العليا