[كبريآ"رشيديه]

السلام عليكم ورحمة الله وبركـاته

كيف الحال ؟

بصراحة
أنـــــــا إنسانة أكره المقدمات والتكلف بالحكي

عشان كذا بدخل في الموضوع على طول ..
و يـآرب يدخل عقولكم وتستوعبونه ياررررررررررب !

طبعاً , شي طبيعي النوم عندنا احنا الشبابات مشقلب فوق تحت

- اللي تواصل يومين كامله و تنام 3 ايام

- واللي تنام الصبح وتصحى بالليل

واللي .... واللي ....

أنا ما أقول شي عن شقلبة النوم ..
بالعكـــــــس !
بيني وبينكم هي اللي يحلي الإجازة
< ياويلي من الأمهات

و أبداً مـــــــــــا راح أقول شي عن الاشياء اللي نسويها لما نسهر
( الأكل , النت , السوالف والهذرة ... )

بسسسس أنا بتكلم عن

( تأخير الصلوات لما ننام ! )

بنات

خلونا نكون صريحين مع بعض ..

إحنا تهاوننـا و أرخينا حبال كثيييييييييييييييييييييييــــــرة من الدين ..
( في اللبس و في الأغاني ووو في المعاصي بشكل عام ! )

بسس عاد مو نقطع أهم حبل و أهم شي بالإسلام !

الصلاة يانـاس عمود الدين !

و أول شي راح تنسألين عنــّه لما يحطونك في قبرك !

و تذكروا حديث الرسول صلى الله عليه وسلم :
" العهد الذي بيننا وبينهم ( الصلاة ) فمن تركها فقد كفـر "

فقد كفر !!!!!!!!!!!

لا تقولون احنا ماتركناها !

لأن مره الشيخ محمد العريفي قال مثال مررررررررررره صحيح و أقنعني !

قال :

أنا لو بشهر 6 على سبيل المثال , قمت و نويت الحجّ و أخذت أغراضي وسافرت لمكة ..
وسويت كل الأشياء اللي يسويها الحجاج
( نويت , أحرمت , وسويت كل المناسك .. مبيت في منى و رمي الجمرات ووو الوقوف بعرفة وو ذبحت و أحللت وو ... )

بتنقبل حجتي وهي بشهر 6 ؟

مستحيل !!!

أنا صح سويت كل اللي يسوونه الحجاج , بس مو في وقت الحج !!

و الصلاة كذا بالضبط ..

لما تصحين من النوم الساعة 6 المغرب ..
وتصلين صلاة الظهر اللي هي وقتها 12 الظهر

راح تـُقبـَل منك وهي مو في وقتها ؟!

( ان الصَلاةَ كَانــَتْ عـَلَىْ المـُؤْمِنِينَ كــِتــَابــَاً مَوْقــُوتـَا )

موقوتا = لها وقتها !

--

بنات احنا لازم نستوعب ايش اللي جالس يصير !

انا تفاجئت كثيـــررر فـي بنات !!!!

اقولها :
فلانة بتصحين تصلين ؟

وتجاوب بكل برود :

" لا ما أصحى , أصليهـا لما أصحى "

وعذرها ان نومها ثقيل

أو مافي أحد يصحيها

أو تتحجج بأي شي ..

وولما أجادلها
تحاول تقنعني بحديث الرسول صلى الله عليه وسلم :
( النائم حتى يستيقظ )

المعنى من ( حتى يستيقظ ) :
لو ماكان في أحد موجود يصحيه
أو الشخص مغمى عليه
أو تحت تأثير التخدير بالعمليات مثلاً ...

و مو معناها أبد إنه لما تشبعين نوم و تصحين , تصلينها !!!

أنا بسسسس بسألك سؤال و جاوبي بينك وبين نفسك بكـــــــــــــــــــــــل صــراحة ..

- لو عندك دوام أو موعد مهمّ , أو حتى طلعة مع صديقاتك ..
بتنامين وانتي مرتاحة ؟ ومبردة ؟ وعادي تصحين بأي وقت ؟

أحلف لك إنك ماراح تسوينها ..

بالعكـــس ..

والله بتركبين الآلارم ( المنبه ) و بتزعجين أهلك عشان يصحونك حتى لو يصحونك بمويا باردة

و بتوصين صديقاتك يدقون عليك

وو.. وو ..

أبي أعرف بسس..

وش اللي يمنعك من الحماس للصلاة زي حماسك للـ أشياء الثانية ؟

خلونا نكون صريحين مع بعض ..

تقولون :

( احنا ركبنا جوالاتنا ع وقت الصلاة و نمنـا ..
ولمـا دقت الجوالات .. بدون مانحس سكرناها
ورجعنا نكمل نومنـا !)

كثير بنات يتسائلون ويقولون :

احنا سوينا اللي علينا بـسس ياربي ليه ماصحينا؟!!!

أنا أقولكم ليه !

لأننا نسينا شي مهمّ ..
نسينـا النية !
( نيّة انك تصحين للصلاة )

احنا نركب جوالاتنا صح ..
بسس ما نحط في بالنـا اننـا لازم نصحــى !!!

خلونا شوي نرجع لـ مثال طلعة الصديقات

وش السبب اللي خلاك تصحين بسرعة لصديقاتك وتتحمسين لهم ؟
< حتى لو انك تعبااانة وو مانمتي الا قبل موعد روحتك بساعة بـسس وربي بتصحين !!

أكــــــــييييييد لأنك تبينهم ومشتاقة لهم
وتدرين ان هالطلعة ماراح تتكرر ,
أو لأن ممكن يزعلون لما ما تجين لجمعتهم ..

السؤال المهم هِنــا :

معقولة نتحمس لصديقاتنا .. وننسى رب العالمين ؟!

هنا انا اقولك لازم ننوي اننـا نصحى ..

و بساعدك شوي ..

سوي كم شغلة بسيطة قبل تنامين و صدقيني بتقدرين تصحين للصلاة بإذن الله !

أولاً :
حطي في بالك إنك ممكن تنامين
ومعاد تصحين من هالنومة !!!!
ومعاد تصحين من هالنومة !!!!

ومعاد تصحين من هالنومة !!!!

وكيف بيكون شكلك قدام رب العالمين وانتي نايمة عن الصلاة ؟

ثانياً :

ذكّري نفسك كثييييررر بأهمية الصلاة !
وتذكري عقوبة تأخيرهـا ..
( من المناظر التى رآها رسول الله صلى الله عليه وسلم لمـّا أسري به ليلاً :
رأى قوماً يرضخون رؤوسهم بالحجارة كلما رضخت عادت كما كانت لا يفتر عنهم تضرب رؤوسهم بالحجارة فتتحطم ثم ترد مرة اخرى ثم ترضخ .
فقال : من هؤلاء يا جبريل ؟
فقال : هؤلاء الذين يتكاسلون عن الصلاة )

ثالثـاً :
اقنعي نفسك إنك تقدرين تصحين للصلاة ..
لأنك لو ماتقدرين ,
ماكان صحيتي للدوام , و لا صحيتي لو بيجي بيتك أحد
ولا ... ولا ... !

رابعاً :
وصّــي أهلك أو أي أحد ..
و أصرّي إنهم يصحونك ..
عشان حتى لو صار يوم و نسيتي توصينهم ..
يصيرون هم يعرفون انك مهتمة لها

خامساً :
حاولي تبعدين الجوال عنـّك مو لازم يكون قريب منك
عشان تضطرين تقومين من السرير و تروحين لمكان الجوال وتسكرينه ..
وقتها بتكونين وعيتي وو بتقومين تصلين

سادساً :
اذكري الله قبل تنامين واحرصي ع اذكار النوم ..
و ادعي الله انه يعينك ع القومة ..

هااا وين راايحين لاتنسوووون اهم شئ الخشووع في الصلاه مو تقومون وفي نص الصلاه نسمع شخيرك وانتي خامد [الخشووووووووع مهم]

الموضوع الأصلي: قبل فوات الأوآن ! | | الكاتب: كبريآ"رشيديه | | المصدر: شبكة بني عبس

[ابو بدر العجوين]

اللهم أعنا على قيام الصلوات المفروضه


الله يعطيك العافيه على هذه التوعيه المفيده


وجعلها الله في موازين حسناتك ،،

[كبريآ"رشيديه]

وياك أخووي ومشكوور ع المروور .

[كبريآ"رشيديه]

مــلاحـــظـــه :
الموضووع للكل موب مخصص للبنات بس
يعني للبنات والشباب مع بعض .. والله يعينا على
ذكره وشكره وحسن عبادته "

[نبيل العرعري]

جزاك الله خير

[كبريآ"رشيديه]

وياك اخووي
اشكررك ع المرور .

[راسبه بالحب]

سلمت الايادي



طرح مميز



جزاك الله خير الجزاء

[بنت الإسلام]

طرح موفق مع ضرب الأمثله الواقعيه

بارك الله فيك ونفع بك

واصلي لاعدمناك

عندي ملاحظه لتوضيح هذا الحديث

( من المناظر التى رآها رسول الله صلى الله عليه وسلم لمـّا أسري به ليلاً : رأى قوماً يرضخون رؤوسهم بالحجارة كلما رضخت عادت كما كانت لا يفتر عنهم تضرب رؤوسهم بالحجارة فتتحطم ثم ترد مرة اخرى ثم ترضخ . فقال : من هؤلاء يا جبريل ؟ فقال : هؤلاء الذين يتكاسلون عن الصلاة

الصحيح

ثم أتى يعني النبي صلى الله عليه وسلم على قوم ترضخ رءوسهم بالصخر كلما رضخت عادت كما كانت ولا يفتر عنهم من ذلك شيء قال يا جبريل من هؤلاء قال هؤلاء الذين تثاقلت رءوسهم عن الصلاة المكتوبة
الراوي: أبو هريرة المحدث: المنذري - المصدر: الترغيب والترهيب - الصفحة أو الرقم: 1/268
خلاصة حكم المحدث: [إسناده صحيح أو حسن أو ما قاربهما]