[بـنـدرآلـرمـيـح]

شعندك بالسعوديه 6 شهور تبي تهاجر

خلك بديرتك وريح راسك

آسف على اللقافة

وموفق

[رشيدي كويتي]

مشكور يا اخوي هشام

وانصحني بحي اروحله على طول

واخوي بندر الشكر موصول لك الامور تحكم راعيها

والشكر موصول لكم

[رائد الذيابي]

سسسسسسسسسلام عليكم ورحمة الله

اخوي انا من سكان المنطقه الشرقيه .. وانا اشوف ان الشرقيه
افضل واحلى مكان تقدر تروحله بالمملكه ..!

فيها المجمعات والمولات والحدايق والكورنيشات البحريه والطعوس ههههه
يعني كل ماتحتاجه بتلاقيه بالشرقيه بدون تحديد اي منطقه
لان كل منطقه احلى من الثانيه وربك

اي استفسار انا فيــذـآ

[رشيدي كويتي]

لاهنت اخوي راشد

الله لا يهينك وين تنصحني اسكن تحديدا

وكم اسعار الشقق ايجار شهري

غرفه وصاله وحمام ومطبخ
او غرفتين
او ستيديو
الشقق تكون مأثثه طبعا
لو لك علم بالاسعار او الاسعار التقريبيه

الشكر موصول لك

[رائد الذيابي]

والله ياخوي الاسعار مناسبه
يعني
تلاقيلك شقه غرفتين وصاله ومطبخ
مأثثه بالكامل في الدمام او الخبر
بـ حول 2000 ريال للشهر الواحد

اما بالجبيل .. والله الاسعار غاليه كثير
بتلاقي شقه مفروشه بالكامل
وعباره عن غرفتين نوم وصاله ومطبخ بـ 4000 ريال بالشهر

فـ أنصحك بالخبر لانها حلوه .. وراقيه كـ عمران و حضاره

[احمد القلادي]

جرب القصيم ترا حلوة والاجارات فيها ماهي غالية والربع واجد

الرياض وش تبي فيها زحمة تكره اليوم اللي تجيها << مجرب هع

وبالتوفيق واي شي حنا بالخدمة :)

[(ابوعواض)]

يارشيدي كويتي مالك بالطويله رح الشرقيه الدمام ودوور لين تلقي السكن اللي ريحك وعلي قد فلووسك


اما الحره ماتصلحلك ههههههههههههههه

[رشيدي كويتي]

الله لا يهينكم على التفاعل المميز منكم

اخوي رائد بالخبر في حي معين تنصحني فيها او مكان معين

واسف اني ازعجتك معاي

اخوي احمد تعرف اسعار الشقق بالقصيم

وتحملنا يا بو شهاب

اخو بو عواض ههههههههه الحره وين صايره ياخوي ماعرفها

والشكر موصول للكل