[بعيد الشوح]

اقتباس من مشاركة عميان ان كان ماتاخذ في دينك بالاسباب = الله يعينك بالحمول الثقالي وش في يدينك ياصحيبي من كتاب = عساك تلقى فيه علم اليالي

مايفوز بالجنه ياغير أولا الألباب = يالله عسانا من كرام الخصالي
سلامتك لو مالقينا بك اعجاب = والخلُق بوجيه الأوادم جمالي

وصح لسانك ياعميان شاعر مافيك حيله وتشرفت باللعب معك واشكر كل من تابع وشجع وتصبحون على خير

ولنا لقاء بإذن الله

[بعيد الشوح]

اقتباس من مشاركة مداروفلك السلام عليكم عاشووووووووووو الشعااااااار وصحت السنتكم جميع بصف بعيد الشوح ولايهون عميان لليل لليل لليل

وعليكم السلام
ارحب تراحيب المطر يابو ساره يالله حيه ماشاء الله اليوم الربع متواجدين ولكن وين عنتر زمانه

[متعب الشعباني]

صح لسانكم على الطارووووق الكاايف ماقصرتم

[عايد2001]

صح الله السنتكم
وبيض الله وجيكم

[عميان]

اقتباس من مشاركة بعيد الشوح مايفوز بالجنه ياغير أولا الألباب = يالله عسانا من كرام الخصالي سلامتك لو مالقينا بك اعجاب = والخلُق بوجيه الأوادم جمالي وصح لسانك ياعميان شاعر مافيك حيله وتشرفت باللعب معك واشكر كل من تابع وشجع وتصبحون على خير ولنا لقاء بإذن الله

مايدخل الجنه منافق ونصاب = مدام دعواهم نفاق وضلالي
انت كسبت اعجاب من كل الاحباب = الله يهنيكم سنين ن طوالي

وتصبح على خير وانت شاعر علم ومكسب للجميع

[بعيد الشوح]

حيا الله عايد 2000 مدري 2001 المهم أن تواجدك مهم ويشرف

وصح بدنك

[بيطار الشعر]

اقتباس من مشاركة بعيد الشوح من مايشرف ربعته عند الأجناب = وجهه يجي بين الثرى والنعالي

الله الله يابعيد الشوح

دخول للمعنى بسياسة وبطريقة سلسه

صح اللسانك وللسان عميان ولاهنتم

وتم ختم الطاروق

[فديغم]

صح السانكم مافيكم حيله