[المعزب]

اقتباس من مشاركة ناصر خنيفر انت يامعش الضيفان لاتخالف القوانين والانظمه التسجيل انتها والدرجات على وشك الرصد والطلاب على احر من الجمر كل واحد يبي النتيجه وانت كل ماجاء واحد من عيال النيدو نوامت الضحاوي عطيته سوال تمسك بوامر عمك العمده لاتخلي الناس تضحك علينا يقولون المعلمين تهاوشو هههههههه

ياهلا يابو تركي حياالله شيخنا

لكن ترى مدار وفلك له نشاطات واجد يمكن تشفعله

ماودك نحرقه بالاسئله هاليومين الباقيات هههههههههه

[المعزب]

اقتباس من مشاركة ناصر خنيفر quote=ناصر خنيفر;2276799]الاسماء حسب الدرجه 1/ الموج الهادي 30 درجه 2/الداب الارقط 30 3/ وضاح اليمن 30 4/ الكايد 99 30 5/ابوصالح 30 6/شلاش 30 7/ السيف القاطع 29 8/ سهم عبس 29 9/البرمكي 29 10/ روادي العبسي 28 الهمام ياطلاب مابقا من المده الا 5 ايام قبل نرسل اسماء الفايزين بالكلمات الشاحطه عن القاموس العربي للاداره

اي طالب تنقص درجته عن 28 لايدرج ضمن هذه الاسماء[/quote]

قرار حكيم لاهنت ياشيخنا

[مداروفلك]

اقتباس من مشاركة المعزب حياك الله يامدار وفلك لا انت مانقوللك شي شكلك معاصر الجيلين ههههه لكن الله يعينك مافيه كراسي تدرس وانت واقف ماسمعت بالمثل اللي يقول اطلب العلم من المهد الى اللحد ههههههه خذ هذه الاسئله 1:المنضد 2:المجلاد 3:الحشيه

ههههههههههه
الله يرضالي عليك
ج1/منضد البدو للي يحطون زهابهم عليه
ج2/مجلاد التمر وهو عباره عن خيشه
ج3/الحشيه تمر ويوضع بالتنك
عسى الله يجملنا بالاجابه
لايطردوني

[ناصر خنيفر]

اقتباس من مشاركة مداروفلك يعني خلاص تم قبولي وهذي الاسئله للي اجوب عليها بيض الله وجهك انا اشهد ان هذي المدرسه للي مافيه مثلها وستلم الاجابه ياالاستاد العمده وبشرني عسى اني ناجح ج1/لليمين:يعني درب الغانمين ج2/در:دربك اخضر ج3/للامام: يعني ادخل الفصل ج4/سر: يعني سر بيني وبينكم ماعلم احد انكم سجلتوني والوقت متأخر ويش رايكم باالاجابه يالاستاذه انا قايل لك ياالعمده ان ماسجلتوني تخسرون طالب مجتهد ومؤدب

الله يقلب راس بليس انت بكشف المتمردين المحرومون من الاختبار ابو نوح واخوجوزى

[ناصر خنيفر]

اقتباس من مشاركة مداروفلك ههههههههههه الله يرضالي عليك ج1/منضد البدو للي يحطون زهابهم عليه ج2/مجلاد التمر وهو عباره عن خيشه ج3/الحشيه تمر ويوضع بالتنك عسى الله يجملنا بالاجابه لايطردوني

انت مغششتك جدتك انت من عيال النيدو وشلون عرفت هذه الامور القديمه



راسب بسبب الغش

[مداروفلك]

اقتباس من مشاركة ناصر خنيفر انت يامعش الضيفان لاتخالف القوانين والانظمه التسجيل انتها والدرجات على وشك الرصد والطلاب على احر من الجمر كل واحد يبي النتيجه وانت كل ماجاء واحد من عيال النيدو نوامت الضحاوي عطيته سوال تمسك بوامر عمك العمده لاتخلي الناس تضحك علينا يقولون المعلمين تهاوشو هههههههه

والله ياالعمده ان النيدو ماطب بطني
انا من للي يحزم ثوبه بالمنقاش
وماغير قصيميداته متلويه شاطحه قصيميداته ههههههه

[عايد2001]

مساء الخير معلمين وطلاب
عرفكم على نفسي مندوب وزارة التعلم ههههههههه
احد يشتكي من احد
سؤال لـ الطلاب هل المعلمين مقصرين في التعليم ؟هههههههههه
سؤال للمعلمين هل الطلاب يغيبون عن المدرسه ؟
اكثر غياب يحرم من الجائزه حتى لو حصل على الدرجه كامله
يعطيكم العافيه جميع

[ناصر خنيفر]

اقتباس من مشاركة المعزب ياهلا يابو تركي حياالله شيخنا لكن ترى مدار وفلك له نشاطات واجد يمكن تشفعله ماودك نحرقه بالاسئله هاليومين الباقيات هههههههههه

طيب خل اسالته علي بشرط يجاوب اليله قبل يروح يسال جدته هههههههه