[رشيد]

.

الذنب ذنبي والخطايا خطاياي

والاَّ إنت ما جاء منك ذنب وخطيّه

ذنبي وعذري فالهوى طيب مبداي

ضحّيت لجلك لين صرت الضحيّه !

-
الشاعر/ رشيد الدهام

[رشيد]

على طاري الغيبه وعذرٍ رجع مافاد

وش علوم جرحٍ سود الأيام زادنِّنه ؟

على غير عاده جبت لك دمعتين جداد

تبيهن يوفنّ العذر منك واخطنِّه

-
الشاعر/ هلال المطيري

[رشيد]

الكذب والغيبه والإسفاف والشمت

الكفو يحرص لا تجي في كلامه

يا حبني للمنطق الزين والصمت

صمت العقل ما هو بصمت الرخامة
-
الشاعر/ علي بن نايف الغامدي
.

[رشيد]

قال الشاعر الشعبي محمد العبدالله القاضي:

من جاد ساد ومن يشح بحلاله

ما أدرك مرام ولا صعد مصعدٍ عال

والفقر هدّامٍ براسه صعاله

والجود من ماجوده إن ثار بعقال

ولا يفتخر من جاد عمّه وخاله

هي بالهمم لا بالرمم مثل ما قال

ومن قالب الدنيا بالأريا لحاله

أخطا وأصاب وله دليلٍ بالأقوال

كم خيّرٍ ما نال فيها سواله

وكم ثور هورٍ ساعفت له بالاقبال

.

[رشيد]

قال الشاعر المعروف ناصر القزلان



ودِّي ولكن كيف تحقيق ودِّي

عيَّا زماني لا يجيلي على الكيف

لقيت من وقتي عناد وتحدِّي

يمرني عمري مثل عابر الطيف

[رشيد]

اليوم ذكرى الفراق ومرت اول سة
* اليوم لي عام متغرب وحيد وحزين

اليوم انا ضيف جرحي جيت باطمنه
* إني جمعت الدموع وجبت امانة امين

ما يجرح الصادق الا غدر من يامنه
* لا جت من احباب قلبك لا تلوم السنين
-
طلال الرشيد

[خوي الذياب]

مشكور بارك الله فيك وفي جهودك

[رشيد]

وأنا يوم أمس بطانها ما عليّه.. من
* يدين الهوان إن حطّت اللوم وان شالت

عليها الملام ولا عليها السلام.. أبدن
* يدينٍ تبي قصرت يديني ولا طالت
-
الشاعر/ مساعد الرشيدي

.