[عطر الاوركيد]

رزقي على اللي إذا أعطى شي مامنّه
.........................وإلا يديـن العرب تعطي ومنـانّه
لو شحّوا الناس .. ربي يعطي الجنه
.........................ما يغنـي إلا كريم الوجه سبحانه

[مرزوق العجوني]

نخطي ونذنب ونتحجج بالاقدار=ياقدارنا ربي يعينك علينا
نستر وراك الذنب ونقول باصرار=العيب فالاقدار ماهوب فينا
حنّا كذا نضعف بسرعه وننهار=كن الزمان لوحدنا مبتلينا
يا طيبنا يوم انتسابق بالاعذار=وياسرع ماننسى الخطا لابغينا

[el3nod-al]

شف غيابك وش يسوي بالصدور iiوبالمباني وانت تدري كيف كانت صدمة غيابك شديدة
والله انك لو وصلت البيت متأخر iiثواني ماتشوف الا بقايا من حصاه ومن iiحديده

[مرزوق العجوني]

لميت جرحي واحتضنته وسافرت=ما للوداع بخاطـري غير تجريح
ودي ولكن انصدمت وتصبرت=واقفيت اشد اخطاي بالغصب لا اطيح
ما هو جفا انا وفـي ما تغيرت=عقب الوداع فراق ما هو بتلميـح
ياليتني دمعـة فراق وتبخرت=لا احساس لا وجدان لا قلبن يصيح

[مرآهيش]

ياطول دربي في دوامي ماسليت=والعام طول الدرب ماحسيت به
من سبة اللي حاسبن لي لانتهيت=اسلا معه والدرب ما هتميت به
امحسبن وقتي ليا مني قضيت=يزهم علي واهنى بصوتن ميت به
قلبي وعقلي والمشاعر تستميت=لا قال الو رحبت به هليت به
عز الله انه بانيين بالقلب بيت=بيتن وهو فيني ولا طبيت به
مايسكنه غيره ولامني بغيت=اشوف غيره شفته ولديت به

[فضي البراك]

يقولون : ماودعك؟ قلت : الفراق وصار !=والأنسان روحه تنسلب ما يودعها

[مرزوق العجوني]

فقير حظ وراس مالي ثيابي=وأبسط طموحاتي تهز أعمدتهم

فاتح لهم قلبي وطيبي وبابي=وعيونهم قبل الحكي فاضحتهم

قالوا وقالوا واشبعوا بأغتيابي=هذي نواياهم وذيك ألسنتهم

حتى وأنا اتألم وأموت فعذابي=دمعات عيني بالحزن فرحتهم

[مرآهيش]

في ذمتي ماضقت منك ولا شي=محدن عرف قلبك وراح متضايق
تدري احبك حب ما والله شوي=حبن تعلا (( النير )) ولْك انت وايق
حبن حوا كلي وكلي ماهو لي=كلي لك انت وتامره دون عايق
حبك زلال وعذب واعذب من المي=يطفي لهب قلبن شعته الحرايق
واليا زعلت ازعل دلع مع تغلي=ابيك ترضيني بليا عوايق
بالقرب والهمسات والذوق والضي=وارضيك لين ارضى وحنا شفايق