[النمر1012]

كريم يابرق(ن) سراله يجي عـام
برقه سناه اهل الحـلال ارحلولـه
ناشي من القبله علا يمنـة الشـام
سنه خياله ونتصف نصف حولـه
ريح المطر سبق علا الرش بيـام
من زين رشـه سابحاتـن ثعولـه
نبت النفل هو والخزامى ليه ايـام
من زين نبته كـل ناسـن تقولـه
ضافي علا دارن بها غاليـن شـام
قفـى وخلانـي بحـال معلولـه
يابنت من يمشولـه النـاس خـدام
من كثر طيبه زايـدات(ن) فعولـه
قلبي معك وحدك وعن غيركم شام
عاف البشرمن شان غالي وزولـه
تجمع اشوقـه مـن الالـف لـلام
احساس شاعرحاس عرضه وطوله
تجمع اشوقك كمآ الحفـظ بالـرام
حفظ جميع الـي نقـول ويقولـه
غـلاك ماتمحـاه دورات الايـام
ياموت حبي صعب(ن) اسمك نقوله

[مرآهيش]

وصيت قلبي عليك وفكري وظني=إن غبت عنهم عليك عتابهم هادي
ماودي تجرح شعورك كلمة مني=وانته حياتي وعمري ومهجة فوادي
ودي تعيش العمر راضي ومتهني=مرفوع راسك عليك العز متبادي
يا تاج راسي وانته مني وعني=تآمر وتنهي وأمرك أول البادي
من كثر خوفي عليك الخوف يمحني=وافقد شعوري واشوفك غاية مرادي
إن غاب صوتك أنا جي الليل واوني=وتخيلك واتذكر هامت بلادي
مديون لك بالغلا والحب مشقني=يا مستحل الفواد العاشق الغادي
من يشبهك في البشر يا ذوقي وفني=يا راحتي وبسمتي وموتي وميلادي
وصيت قلبي عليك وقال متجني=أحذر غيابك على قلبي ما هو بعادي

[سالم الرشيدي]

ممنوع غيرك يدخل القلب ممنوع ..
انتَ الوحيد اللي مصرح دخوله .,.

[مرآهيش]

طــــول مـسـيــري ، والـعـمــر بـاقــيّــه=ماهو ب/ كثر اللي مضى لي منّـه
يـــارب عـفــوك ، والضـمـايـر حــيّــه=يا من سجدنا لك ب/ فرض وسنّه
وجهـت لـك وجهـي ، وأكــف إيـديّـه=تـرزقــنــي الـثـنـتـيـن يـــــا ذا الــمــنّــه
( قـبـل المـمـات ) الـراحـه النفسـيـه=و ( بعد الممـات ) المغفـره والجنّـه

[مرزوق العجوني]

إدخل بـ ركني ودوّج فيه [ عرضٍ ] و[ طول }=مالك [ شريك ] بـ هواجيسي ولا لك [ سمي ]

[نايف ابن عليثه]

ياتعيش بمعزه يااااتموت محشوم
ودك ان الليالي لافعلت امدحت

عمر ضعف الاراااده مايسر الرخوم
ضربت السيف لوبيدين الشجااااع ذبحت

[هذيان]

يجيبك الشوق ولا تجيبك الحاجه ..
مصيرك اليا صفعك الوقت تذكدني..!!

[الشاعر المجهول]

البارحة مادري وش اللي خذاني=يوم اجنبوا عني من الضيقة اشملت
جيت اتكلم بس عيا لساني=ماكني الا مرتكب ذنب واخملت
الله يسامح من ذكرت ونساني=وانا ادري اني لاذكرتة تجملت
ياما خذوا مني ولاحد(ن) عطاني=وياما سمعت من الكلام وتجاهلت
وان ضاق صدري والزمان ابتلاني=يممت وجهي للكريم وتوسلت
مرات احس انك معي شخص ثاني=ومرات احس انك حبيبي ولازلت
عشان ماضيك الجميل وعشاني= حاول تشيل من الوفا ربع ماشلت
لاتفرح انك دجت بين المحاني=لو ماتخون الذاكرة ماتسللت