|
خيارات الموضوع | ابحث بهذا الموضوع |
|
سلام
يامرحبا يابليهان انا يوم اقول ضربه قاضيه كان مجرد تعبير و وصف للبيوت القويه المحبوكه ولاكن هذيه المحاوره كانت عاديه وانا عاارف بأن مستوى المطيري ضعيف جدا واذا على كلامك يابليهان بخصوص المواقع هذي مواقع قبيليه ورسميه واعتقد ان المشرفين عليها اصحاب عقل وفكر واعي يني لو كانت من دون المستوى ما اعتقد انه شاعر بحجم الجحش يلعب من خلالها ولا يجوز وصفك لها بالمراقص على فكره اخوي سعد الشقل نقل لم يكن متكامل فقد نقل الأخ سعد الفلاح المحاوره كامله ولاكن لا اعلم اي ذهب نقل وكان البيت عند المطيري اخس يالجحش المسمى يابو ذيلا لو تكيم مانته بسابـق الخيـلا ياوجودي وجد قيسٍ على ليـلا والثنـا والشكـر لله سبحـانـه على ويش اتحيزم وانت جحشٍ صايبه سلال=تسمى بالحمير الظاهر ان الاصـل حـدادي تبا تسوي سواة شعيل لامنه بـرك مامـال=يقوم بحملته والاانـت فالشعبـان رقـادي اعتقد بأن البيت يفهمه شاعر المعنى او اي شاعر هذا وتقبلو تحيات محب الجحش بتااااااااااااااااال |
|
[ بسم الله وعلى بركة الله
اطلعت على مادارحول المحاوره الذي جرت بين الشاعر الكبير الجحش والمطيري والمحاوره لاباس فيها من النوع الوسط ولكن اللي عتب على الجحش اللي يساير الشاعرمسايره طيبه لايستحقها الشخص المقابل فالاحترام لايستحقه سوى صاحب الاحترام الجحش اصر على عدم اعلام الطرف الثاني في قبيلته وعلى ماعتقد وحسب ما سمعت ان قبيلت الجحش من اعز وشرف القبائل فالماذا التهرب عن قبيلتي اخي الكريم انت تعرف انهم عارفينك مهما تهربت فالماذا التهرب وانت معروف عندهم الله يعزك يابن مربح عندما قال انا غني عن مدحكم يامطقعت بيد الصحيب = اثر صغار القوم تطلع مثل طلع اكبارها |
|
بيض الله وجهك منااااااااا لين ترضاااا الجحش وربي انا مانحاربك ولا شي ولاكن ننتقدك النقد البنااااااااااااااااااااء فقط ولو منت من فطاحلت المحاوره كان جاملناك |
ياجماعة هذي محاورة وديه ماتستاهل كل هالهجوم والحط والشيل والتحليل وبما ان الجحش ضيف اعتقد ان الضيف لازم يقدر المعازيب والجحش اراد ان يبتعد عن القبليه والعصبيه اللي ماوراه الا السب والشتم واراد ان يتميز بالاخلاق وسعة الصدر والهدوء مقابل ماتلقاه من ترحيب وكلام طيب بداية المحاورة فتحقق ماراد فمن الخطاء ان يهدم كل هذا ويحرج نفسه بكلمة شينه على شي مايسوى وبعدين انا ماشوف ان المطيري غلط او تعدى الحدود بالعكس كان شعره ومعانيه جيده وهو يحاول ان يعرف اسم الجحش وقبيلته فقط مافيها شي وانا لو لعبت مع الجحش راح انتهج الاسلوب نفسه الوضع عادي معدا باليت الاخير اللي قاله المطيري وانا اعتقد لو ان الجحش موجود لكان رد عليه الرد الشافي وايضا اعتقد لو ان المطيري يعرف اصل الجحش ماقال هذا البيت لكن كان يريد ان يستفزه وهذا شي وارد بالمحاوره وكان بيته حلو صراحة وقوي ومحرج هذه وجهة نظري فتقبلوها بسعة صدر بعيدا العاطفه والتحيز وصفو النيه..
|
أخي الكريم أنا قلت بعض المواقع تعد كالمراقص ولم أذكر موقع مطير أو غيره ولكن ذكرت المواقع التي لا تحترم العوائل والقبائل ولك تحياتي يا طويل العمر ...
|
|
المطيري
مرحبا بك ياولد اول وتالـي=في محل العز ماضين الافعالي ربعي المطران رجلي وخيالي=والثنا والشكـر لله سبحانـه تقدم ياعميل الخير حياكم على ماقـال=على سمن وسمين ودلةٍ في جنب برادي وعطنا ياولد ماعندكم والعسر اله حلال=توكلنا على الله وابتدينا والله الهـادي الشاعر الجحش البقا بالصاحب اللي بدى قافه=من هجوسن نادره مالها خلافه كل شاعر باللقاء دون ميقافه=والثنى والشكـر لله سبحانـه تقدمت بطريقي والبقاء بك ياوسيـع البـال=على ماقـال نعـمٍ فـي مطيـر الاد عبـادي نزلت المعركه وأميّز الرجلـي مـن الخيـال=وانا علمي . حضرت وعن خيار القوم نشادي المطيري. COM ياهلا يامرحبـا فيـك لاكنـي=ماعرفت انته منين انت يالفني منطقك خلا الاجاويد تسالنـي=والثنا والشكـر لله سبحانـه تقدمت بطريقك مير انا اباانشد عن الاحوال=من ايات العرب يانعم فيكم يابن الاجوادي نبا نتعرف الليلـه علـى ماقـال يارجـال=لانك من خيار القوم من منطوقك البـادي الشاعر الجحش الاسامـي ماتقـدم ولا توخـر=حبر من فوق القراطيس تتبخّر والفتى من قال انا0 علمٍ مصخّر=والثنى والشكـر لله سبحانـه يقولون العروبه طيبها واحد بدون جـدال= على الماضي توجّد والهنوف تصيح وتنادي مدامي من خيار القوم قرّب وشرب الفنجال= ترى الطبخه طعمها زعفران و بن وقنادي المطيري , com الاسامـي ماتكلمـت انـا فيهـا=قولي من اي العرب قبل اسريهـا فوق راسك يالجحش وانت باغيها=والثنـا والشكـر لله سبحـانـه يقولون العروبه طيبها مابين جـد وخـال=ثبات العلم لاتمشي بوسط الخط متحـادي اجل وش رايك انجيب الهنود ونزهم البنغال=وتلعب مع حديهم ياولـد والنـار وقـادي الشاعر الجحش اللقب والاسم ولاصل والمنشاء=شاعرٍ شعره مخيّل من المنشاء السفر يجلى وليل الدجا يغشاء=والثنى والشكـر لله سبحانـه وانا اقول العروبه مالهم بين الآوآدم فـال=حقوق مجمّده وجيوش بوش بجوف بغدادي انا ماقلت فيك قصوررجال وعليـك عقـال=لكن السيل جاك بلا مطر يانـازل الـوادي المطيري . com الخيال اللي تقوله بلا ماطـر=لو نشوفه مدلهـمٍ ومتقاطـر اصلكم يرفعك ذا الليل ياشاطر=والثنا والشكـر لله سبحانـه وانا اقول العروبه حقها بين الاوادم طـال=على وقتٍ مضى والوقت هذا سوف ينعادي هذا قول الرسول اللي ماهوحضرتك يالحيال=ولن جا الوقت هذا تنعم الامه بالاسعـادي الشاعر الجحش الخيال الي تخيلـه نثـر وبلـه=الرعد من شرق والبرق من قبله ياوجودي وجد عنتر على عبله=والثنـى والشكـر لله سبحانـه تحيزم في حزامك وعرف المخراج والمدخال=تحراّ ياسمي لين الربيع يجيك مـن غـادي رسول الله مابعده رسول ومنهجـه مـازال=لكنّ الحكمه اللي تفـرق المـدّل والغـادي المطيري . COM اخس يالجحش المسمى يابو ذيلا=لو تكيم مانته بسابـق الخيـلا ياوجودي وجد قيسٍ على ليـلا=والثنـا والشكـر لله سبحـانـه على ويش اتحيزم وانت جحشٍ صايب سلال=تسمى بالحمير الظاهر ان الاصـل حـدادي تبا تسوي سواة شعيل لامنه بـرك مامـال=يقوم بحملته والاانـت فالشعبـان رقـادي الشاعرالجحش اعقب الريح الشماليه الشرسـه=والنخل خلك حريصٍ على غرسه والجحش جعلك تعلمت من درسه=والثنـى والشكـر لله سبحانـه اذا كان الجحش حداد خيّل في سماك خيال=تعيّن فالقرايب وقبل الممتـاز والعـادي بدينا ونتهينا والحمـول ثقـال ماتنشـال=على غارب شعيل اللي بليا خرج وشدادي اخواني اشكركم جميعأ على النقد البناء ولاشادات التي احترمها وأقدرها والتي هي محل الفخر والاعتزاز- وأقدركل من انتقدني بالمحاوره وهوا محق بذالك لحيث ان المحاوره لم تنقل كامله كماهي امامكم - لحيث نقلة المحاوره من حيث اعتذاري عن تكملة المحاوره ولم تنقل من حيث انتهت فعليّأ- عمومأ المحاوره امامكم كامله- ولكن اسمحولي اتحدث عن المعنى بالنسبه لي انا - قلت ان المحاوره ليس لها علاقه بالمسميات وليس لها علاقه بالقبائل كما تحدثت عن الوضع العربي برمّته - على الماضي توجد والهنوف تصيح وتنادي -(والهنوف اقصد فيها القضيه الفلسطينيه ) والماضي هوا الفعائل الماضيه التي تتفاخر فيها القبائل بمافيها قبيلتي امّا بالنسبه لي انا انظر للشعر بانه فن وذوق والشاعر المتمكن هوا الذي يوصل لمايريد بالالفاض المقبوله والغير جارحه - على سبيل المثال مثل كلمة اخس يالجحش المسمى يابوذيلا- وتلاحضون كلمة ( اعقب الريح الشماليه الشرسه) فهنا هي نظرتي للشعر وهي نظره اعتبرها متواضعه جدأ - وعلى سبيل المثال ايضأ هذا البيت -على ويش اتحيزم وانت جحشٍ صايب سلال=تسمى بالحمير الظاهر ان الاصـل حـدادي - وهذا البيت ايضأ-- اذا كان الجحش حداد؟ خيّل في سماك خيال = تعيّن بالقرائب وقبل الممتاز والعادي -) يعني شف قرايبك هل يوجد بهم اسم جحش او عير وبعدين تعرف الحداد منهوا-- اشكر اخي العزيز سعد الشقل على نقل المحاوره وأن دل ذالك على شئ انما يدل على حرصه لنقل كل جميل كما اشكر مرور الاستاذي الكبير بليهان وكل من سجل مروره من اعضاء وشعراء ونظرأ لإنتظاركم ابدى وجهت نظري - احترمت انتظاركم ورغبتكم وهذا القليل من الكثير وعليكم متابعة المحاوره بعد عرضها كامله والتعليق عليها بيض الله وجيهكم جميعأ اخوكم الشاعر الجحش
آخر تعديل بواسطة الجحش ، 27-10-2007 الساعة 12:48 AM.
|
|
|
يتصفح الموضوع حالياً : 1 (0 عضو و 1 ضيف) | |
خيارات الموضوع | ابحث بهذا الموضوع |
|
|
مواضيع مشابهة | ||||
الموضوع | الكاتب | القسم | الردود | آخر مشاركة |
عميد الشعراء | حزام غانم | منتدى المحــــــــــــــاوره | 24 | 14-10-2011 02:11 AM |
اللقاء مع عميد الشعراء | سعد الرشيدي | قسم عميد الشعراء ناصر بن مرسال | 124 | 26-05-2009 04:21 PM |
عميد الشعراء × بتـــال | سعد الشقل | قسم المحاورات المنسقة | 8 | 13-11-2008 04:51 AM |
عميد الشعراء الجحش | السبع الضاري | منتدى المحــــــــــــــاوره | 9 | 22-08-2008 11:12 PM |
__ عميد الشعراء الملقّب بـ الجحش __ | بركه بن هداج | منتدى المحــــــــــــــاوره | 13 | 25-08-2007 07:39 AM |