[مفلح المهيمزي]

الفكر بالتدبير والتركيز يالعقل الكبير=بعض العقول امشوشه والعلم تبطي تفهمه
هذا كلام البارقي يصير والا مايصير =مير المهم اني على النهج الصحيح ومحكمه

[حمد البارقي]

تضحك لوالدنيا على وجهك عبوس قمطرير =تاتي على وزن البعير وترجع بوزن حلمه

وشلون تشبع وانت بالدنيا عشاك من المضير = وبدو الجزيره تصلخ الحاشي بجلده ولحمه

[مفلح المهيمزي]

انا اسبح البحر الحمر والا انت تغرق بالغدير = واجب علي الضحك في بعض المواقف يازلمه
اشبع قليل ومن حلال ولاكليت امن الضرير= والله موصينا على حفظ النفوس المسلمه

[حمد البارقي]

تضحك وضحكك ماضوالك لاقليل ولاكثير = افدغ لوانك في عزا تضحك بدون مقدمه

من يوم شفت اسمك عرفت انك لصحبانك سفير = اللي من عذوق التمر ماحصلو غير فصمه

[حمد البارقي]

اصلي وارجعلك يامفلح

[مفلح المهيمزي]

وانا اصلي وجايك

[حمد البارقي]

عدنا والعود احمد

[مفلح المهيمزي]

اضحك على حالك واصمّل بك واهوّن واستخير =ماني معوّد نفسي اصمّل برجال رخمه
لاتحسبنا يوم شفنا اسمك رجينا فيك خير =عارف مكانك لاغدى بالجو عجه وعتمه