[رشيدي بريطاني]

خرب السبلنق وتلحبطت ولا ابي اكتب يامرحبا هههههه

[ابوبراطم]

ليلة الشعر والشعار ماهي هنيا ---- ليت بكرة ولد عمك ترضع ولدها

يوم لديت للميدان عيا وعيا --- فيه ناس تناصرها وناس تحردها

[ابوبراطم]

يالبريطاني الليله نبي منك حاجه ----- كان تقدر تلبيها عطيتك هديه


امسك الصف واحذر لايزيد انعواجه ---- دايم الجزل عندي ماعرفت الرديه

[حزام غانم]

اول الدرب خير ولا دله منه شيا = لا تعجل رضاعة توم والمر ادها

كان عينك جريه دون هضبة طميا= لاتحدث حديث الزور يااللي جحدها

[ابوبراطم]

يرحم الشعر والشعار واللي تفيا ---- ياعميلي ترا العذرى جميلن جسدها

لا تخدش الجميل اللي يبينا وحيا ---- لا تزور البيوت اللي ضعيفن عمدها

[حزام غانم]

جيت ادور من الشعار شاعرحميا = دايم حزام يقرب ثم يلمس نهدها

لا تدلي طبوع الناس باالطب كيا = والأمانه تضيع اليوم باوسط بلدها

[ابوبراطم]

ياسحابن وصل برقه عليكم يضيا ---- وانتبه ياولد غانم يحوشك بردها

ويش رجلن كلا العالم بظلم وغيا ---- ووعد القوم لاكن ماوفا في وعدها

[حزام غانم]

كل ما نقدح النيران شعله وضيا = حامت طيور حوم ثم تذهب وحدها

علم اللي نساها الميت ماقام حيا= سالفتنا القديمه اخذها واعتمدها