[غزلآن]

خلوني ادله واطرب النفس وآجـول
وسط الفياض اللي سـوات الحدايـق

الصدر أوسع من مساحات ابالهـول
واللـي مكذبنـي يجـي ويتهايـق

[النايفه الوفيه]

مصير وقتك يــبـــور..وتذبل أزهـــارك

ومصير كــل الجـــروح الحمر ينســـونكـ


واليوم يا الجـــــرح..والله لآخذ بـثــارك

وأســـقـيك مـن دم قلبٍ خــيـّب ظـنـــونكـ


خلّه ترى اللي حصــــل من لـعنة أقـــدارك

وإرحل مع اللي يـحــبك وصل..ويصونكـ


وما جيت أبنشد عن الهجران ii أخبارك

جيتك أبســألك بعــد الجرح وشــلونكـ ؟

[ذيبان الرشيدي]

لاخان ودك من توده  على  الروحمعذور لو صديت عن باقي الناس

[النمر1012]

من عافته نفسك ترانا نعافه


أنا على شفك وخذني على الكيف


من الوصل تقصر عليك المسافه


أقرب من المتكي على معنز الضيف


نفسٍ يموت بها الرجا.. يا حسافه


أضعف من الشعره على مقطع السيف


واللي قضب خيط الامل..لا وشافه


حظه يقوم أقداذ من غير تكليف


انت الذي برقه علينا كشافه


البرق والهتان جا عقبه الطيف

[المهيمزي666]

وان كان نفسك من المليون منغرة = يكفيك و انا بياض الوجه يكفيني

وشكراً لغصون الراك
على هذا الطرح الجميل

[النايفه الوفيه]

ليتك تمر اليوم عندي وأحاكيك ...
وأقولك من كثر شوقي اعلومي ...
حتى القمر لو تطلبه قال لبيك ...
يخضع وتخضع من وراه النجومي ...
ماسر قلبي غير حبك وطاريك ...
أشتاق لك حتى وأنا في احلومي ...

[وحيد]

وأستـــــــر علــى ماشفـــت منــــي ومــاجــــــــــاك
وعســــــاك تــــذكـر ذكريــاتــــــك معـــــايــــــــــــه

قلـت أسمعــــــي قــالت عســـــى اللـــه يــرعــــــاك
مـاعــــــــــــــــاد ينـــــفــــع ياحبيبــــــي كفــــايـــــــه

صــــــاح الضميــــر وقــــــال يالزيــــن وش جــــاك
ودي أعــــــرف اليـــــوم شنهــــــو خطــــايــــــــــــه

ودي أعــــــرف اللـــــي حصـــــــل لاعــدمنـــــــاك
شاللــــي حصــــل بالضبـــط شنهــــي الحكـايـــــــه

[النمر1012]

محدن على أيديك النواعم ضربها *** ومنتب على كل الذي صار مغصوب

محدن تيقن بك ولاحـــدن حسبها *** تبي تسكتني الى قلــــــت مكتـوب

ما نعترض لكنك انت سببـــــــــها *** ممنوعك اللي تزعم الصار مرغـــوب

بصيرتك مدري وش اللي حجبـــها *** ضاقت بك دروبن وضيعتــــها دروب

النار في جسمي توهج لهبــــــها *** خطرن علي اعضام جسمي لها تذوب

كاسات مرك قلبي اللي شربــــ ها *** ما اعتدت اذوق المر من يد محبـــوب

مدري وش اللي في حياتك قلبـــها *** تبي الصراحة انت قتال القلـــــــوب

فاتت وأشوف انه تزايد كربـــــــها *** عسى الفرج ياتي وينحل مكـــروب

ما غيرك احدن تل روحي وجلبـــها *** ثم بعتها برخيص من غير متعـــــوب

في سوق حبك لين رسخ نصبـــــها *** وتركتني حياً مع الناس مصلـــــوب

ودفنت روحك يوم ورق شببــــــها *** واصبحت وحدك وانت دوم بي مصحوب

أسرجت خيلي ثم غيري ركبـــــها *** خيالها ماله على الخيل من صـــــوب

طارت بها ريح العواتي هببـــــــها *** في ليلة لا سلم فيها ولا حــــــــروب

أخترت من سو الخلايق عربـــــــها *** دامك تخيرته فانا منك مسحــــــــوب

نفساً حرمها الله ونفساً وهبــــــها *** هذا له طلابه وهذاك مطلـــــــــــــوب

الا جروحي زاد فيها عطبـــــــــــها *** بغيت انا الفكة وعودت منشـــــــوب

الياس فيني هز نفسي وغلبـــــــها *** وانا اللي معلق بقلبة ومقضــــــــوب

نفسي ولو عافت قدرها غصبــــها *** ترضى بواقعها ولو كــــــان مزروب

غنيت ليله كل حزني طربـــــــــــها *** مرات اهيجنها ومرات مسحـــــــــوب

جمعت في نبرات صوتي عتبــــــها *** وعن غلطتي استسمح اليوم واتـوب

ضوي طفت عقبك ورمد حطبـــــــها *** حرام عقبك لا ولا عود مشبــــــــوب

حتى معاميلي على الجال كبـــــها *** جنبت خلق الله كما حال مجــــــروب

حالي بك اصلح حال واجمل وابـــها *** حالي بدونك من عوافيه منهـــــوب

صدك خطف ضحكات عيني وسلبـها *** والا ترى وصلك يرد الفرح نــــــوب

محدن على أيديك النواعم ضربــــها *** ومنتب على كل الذي صار مغصوب

محدن تيقن بك ولاحدن حسبــــــــها *** تبي تسكتني الى قلت مكتـــــوب