[النمر1012]

يارفيع الشان عندي مرتفع قدرك وشانك
والغياب إلي تشوفه مايجيب إلا الغنايم
جيت لك بأبيات شعر نورها يضوي زمانك
تعتذر عن هالغياب وتبني بيوت هدايم
الزمان إلي خذاني عنك ماغير مكانك
والغلا لك دوم أشمه ريح ورد في نسايم
مايخونك من يعزك لو زمان الظلم خانك
صاحبك شاف المعزة منك ماشاف الظلايم
مايهون الماضي إلي زين ايامي وزانك
ولا تهون العشرة إلي ساسها صدق ونعايم
تذكر شـ كنا نردد من لساني ومن لسانك
القوافل لامشت خلفها تبح بهايم
ثابتين في قيمنا مرتفع شاني وشانك
والمروه في دمانا ماتلحقها خرايم
وآخر المقصود قصدي عيش يومك في زمانك
والخوي إن غاب عنك مايجيب إلا الغنايم

[النمر1012]

سلامي عد ماهبهب نسيم(ن) حرك الاغصان
رفض انه يخليني الين يسقط الوراقي


على شخصاً رفض انه يسلم خافق النسيان
الين الله يفرجها ويربطنا بميثاقي

[النمر1012]

سلام الله على من له وسط جوف الحشاء ريضان
تفيض امن الغلا حتى تخيب هقوت الهاقي


اماني ودها تكشف خوافي داخل الوجدان
تترجمها قوافيي تعبّر صادق اشواقي

[النمر1012]

يالله ياعالم خفيات الاكوان ---- ياعلم مابي الصدور الخلايق
خفف مصاب الناس بكل الاكوان ----- ورحم موتنا وموت الخلايق
النمر1012
عسى الله يرحمنا ويرحمه وحسن الله عزاكم

[شداد المظيبري]

قالوا حبيبك يسمع الشعر ! قلت ايه
يقراه بعيونــــــي قبل تسمعووونه

لولاه حتى طاري الشعــــر مابــيه
مير اكتبه من شان خاطر عيـــونه

هو روح شعري وامنياته وماضيه
جذع الشجر وش كان لولا غصونه

اكتب لغيره والقصــــايد تجي فيه
كن القصـــايد حالفه ما تخـــونــه

[شداد المظيبري]

على صوت الرياح أسمع نداءات الغصن والطير
نداء الغصن رفرف له جناح وخافت أوراقه

حسبت الطير من صوت الغصن غنى مساء الخير
حسبت الغصن غنى يوم شاف الطير وأشواقه

وجيت اطرب ولكني لقيت إن السوالف غير
لقيت الطير يبكي والغصن قد جفت أحداقه

[روز]

ياقلب خلك بالشدايد قـوى بـاس
لا تلتفت للجرح لوهـو سطابـك

[العريض]

لازارنـي زايـر الفجـر بهداياهـا
يدركني الصبح قدام آخـذ علومـه