[النمر1012]

يا صاحبي لو جت على ضيقة الخلق
ياكثر ما صكت عليه وضاقت


كم مرة (ن) ضاقت على الخاطر الطلق
وكم مره اجيوش الهموم استباحت


تصدق انها احيان توصل الى الحلق
ولولا الخجل من نظرة الناس ساحت


عيش الحياة وجامل الوقت والخلق
ما خسرت الايام لو عشت ساكت


خذ الحلا لا راقت ايامها وألق
مر الليال ان عبست واستدارت


ترى الحياة احداث ودروبها زلق
وما عمرها الايام في حال دامت


ان عشتها مرتاح وان عشتها قلق
الرابح اللي ينعدل كان مالت

[قف أمامك رشيديه]

رد الخفوق اللي خذيته رهينـه

مادام اشوفك صرت ماتعتني فيه

رده معـزز لا تحـاول تهينـه

به من عذاب الوقت ماهو مكفيه

[شداد المظيبري]

ياصاحبي قلبي عليـل يتمناك
شوفتك تشفيني وقربك هناتي
دايم وسط نومي بالحلم القاك
وافزمن نومي وتصبح شتاتي

[قف أمامك رشيديه]

إذا كان بعض الناس يلعب على الحبلين***مسيري عدل مني القدم عارفن سيره

على وجه واحد ما اتلوّن على الوجهين***ولاني من اللي ينكر العرف والجيره

[شداد المظيبري]

آلكلمة اللي تضايقنا نعديها
........... وان جاتنا من سفيه العقل طنشنا

مادام نقدر نمشيها ... نمشيها
..........من خوف نبلش مع الجاهل ويبلشنا

لو كل عوجاء تجينا نلتفت فيها
..............ماكان نمشي مع العالم ولاعشنا

[قف أمامك رشيديه]

ياعين غضي بالنظر لاتشوفين

.....................................عيوب غيرك والبشر كلّها عيون

ويا لسان لاتذكر من العيب والشين

.......................................غيرك تراك عيوب ثم لك يقولون

[شداد المظيبري]

بعترف لك بس آخر اعتراف
انت وحدك بس منهو همني
دامني مغليك ماعندي خلاف
وإن تشتت من غلاك فلمني
واعرف انك وسط قلبن مايخاف
سمني مجنون (حبك) سمني
لو حبي لك ورى صدري يشاف
والله ان تقوم ثم تضمني

[ناصر الخياري]

وقد ينبت المرعى على دمن الثرى ...وتبقى حزازات النفوس كما هيا