[وشلون مغليك]

اكبر جزاء ماقالي من جوابه
العام يبكيني وانا اليوم اببكيه
لوالله الله اشتد بي صوابــه
وزريت للقالي طبيبً يداويــــه

[عبدالعزيزعلي]

بعض العرب صده عـذاب و كلوفـه
يضيق صدرك لو قعد يوم ما رد !!
وبعض العرب لا صد ما هي حسوفه
خله يصد الين يشبع مـن الصـد!!

[النمر1012]

من ردى بعـض الأوآدم يعتم الكون و يضيق
ومن غلا بعض الأوآدم شمس جـوي شارقه
كم رفيقٍ في حياتي والله ونعم الرفيق
وكم رفيقٍ في حياتي ودي إني مفارقه
كم رفيقٍ في حياتي ماعرفنا له طريق
كل يوم له مزاج وله طريق طارقه
ليت من شفته عرفته أوعلى صدره أويق
كان أخاوي اللي أبي واللي مابيه أفارقه
الردي لولا ردى فعله حـسبت إنه صديق
لا على وجهه وسوم ولا علامه فارقه
ولا على الطـيب وسام ولا تظن إنه رفيق
لين تشـويك الليالي والسـموم الحارقه
إما والله أن يصير أخير من أخ شـقيق
أو تعيش العمر وأنت تدارقه وتزارقه
لاقدرت تشـوف فيه من الردى شـيٍ يعيق
ولا قدرت يغيب عـنك ولا قدرت تفارقه
لو تسج الرجل عـقبه من فريق الى فريق
ردتك رجـلك وعينك في دموعك غارقه
و إن فقدت اللي تودّ ولا لقيت اللي يليق
أتبع مزون الحيا كل مابرق لك بارقه
أنزل بدارٍ بهـا للطـيبين أسـمٍ وثيق
تسعـد العين بربيعه والغصون الوارقه
لا تحن لديرة فيها الردي حرً طليق
لا قطعت منه اللسان ولا اليمين السارقه

[مرزوق العجوني]

ياوقت وش باقي حزن بعد تخفيه=اظن حزن الناس كله وصلني
كل التعاسه والالم عايش انا فيه=حتى الامل خيب بها اليوم ظني

[رعبوبة]

يووووه...بعدك تقول الضيق فيني يمون؟؟؟_ بعــدك تقول إني حبيبــه سهـــر!!!!
بعـــدك أكون إنسانـــــه أو لا أكــــون؟؟؟_ يــووووه من طاري الذكـرى تهد الظهـر!!!!
ليه تبعـــد وأنا أحمل في الغياب الديـون_ ياقو قلبك....على هجري ولا لك عــذر

[غربي]

القلب ضـــــــــــامي شوق وعيوني جياع...شهرين من بين الرجاء والقطيعه
يابري حـــــــــــــالي كان فيه الامل ضاع...وامحـل ورـد القلب حـــــزة ربيعه

[عبدالعزيزعلي]

ياليت بعض الناس فيني يحسون *** وياليت مافي خاطري يعرفونـه

وياليت بعض الناس للعهد يوفون *** والماضي اللي فات ماينكرونـه

[عنقود البدو]

ليت البكى يسوى . . أو الموت يسوى !
واختار واحد منهم ! واليوم ارتاح !

بس الصحيح إني ... فلا ... عدت اقوى
كنّي غديت من الحزن . . اضحك جراح !!

ما كنت اظن . . ايدي من العشق . . تلوى
وامسك لحم وجهي ! وانا اتحسسه طاح !!