[الكابتن]

اقتباس من مشاركة صياف مادام اشعيل شال الحمل غيره يوم حمّل طاح = ولو يطشون عنه الحمل مايمشي يسوقوونه لحيث ان الوعد بيني وبينك جيه ومرواح = وشرطك مع بزوغ الشوف راس التيس وقرونه

ذبحني شكك اللي مثل دلو الضامي المواح=ف بير ٍ ماه مبعد والدلو قامو يموحونه
ماهي هلون ياصياف شف لك غيرها ونساح=وهيا معي قبل العلم عنك يغيب مضمونه

[صياف]

اقتباس من مشاركة الكابتن ذبحني شكك اللي مثل دلو الضامي المواح=ف بير ٍ ماه مبعد والدلو قامو يموحونه ماهي هلون ياصياف شف لك غيرها ونساح=وهيا معي قبل العلم عنك يغيب مضمونه

حليلك مع سماد الجمر توه ريح هيلك فاح = تبى المرقاب والمرقاب يبغى الي يعدونه
لاوالله هي ومن بين العيون وسمها ذرناح = وتبقى مثل سقم العظم يسهرلوتداوونه

[الكابتن]

اقتباس من مشاركة صياف حليلك مع سماد الجمر توه ريح هيلك فاح = تبى المرقاب والمرقاب يبغى الي يعدونه لا والله هي ومن بين العيون وسمها ذرناح = وتبقى مثل سقم العظم يسهر لو تداوونه

لروحك غن وابقول بعدك دامت الافراح=صحيح إن الذهب ما يعرفه يا غير مامونه
عساك تشوفها ب العين ياصقر السعد وضاح=تراها واضحه لأهل العقول بعرف موزونه

[الكابتن]

تصبح على خير وبيض الله وجهك الليل أنجلا ههههههههه

أسمح لنا على القصووووور

[صياف]

اقتباس من مشاركة الكابتن لروحك غن وابقول بعدك دامت الفراح=صحيح إن الذهب ما يعرفه يا غير مامونه عساك تشوفها ب العين ياصقر السعد وضاح=تراها واضحه له العقول بعرف موزونه

جفاك الوقت والاضاق بالك ياحماماً ناح = على هاك الغصون الي شتاها حط مرهونه

لاوالله يبست ارويك وبراق الحيا مالاح = على شاطي بحر مالح مايطعس لو تحلونه

[صياف]

اقتباس من مشاركة الكابتن تصبح على خير وبيض الله وجهك الليل أنجلا ههههههههه أسمح لنا على القصووووور

وانت تلقى خير عساااااك من اهل الخير


وماجا منك اقصوووور يالغالي

[كاتب الرشيدي]

استمتعت بهذه المحاورة بين عمالقة المحاورة
واعتبر هذه محاورة الأسبوع من حيث اكتمال الطاروق وسمو المعنى
واسمحو لي بختمها ختم التميّز

تستاهلون قوة السبك والنقض من الطرفين

شكراً لكم وشكراً للزملاء الذين تابعو

[صياف]

اقتباس من مشاركة كــــاتــــب استمتعت بهذه المحاورة بين عمالقة المحاورة واعتبر هذه محاورة الأسبوع من حيث اكتمال الطاروق وسمو المعنى واسمحو لي بختمها ختم التميّز تستاهلون قوة السبك والنقض من الطرفين شكراً لكم وشكراً للزملاء الذين تابعو

شكرا لك على المتابعة والاشادة والانصاف