[فايز الشمري]

السلام عليكم ورحمة الله وبركاته

هذه الابيات كتبتها لـ مناشدة قبيلة بني رشيد عامه وكافة مشايخها
بالعفو عن عبدالله فندي السعيد الشمري واسئل الله ان تجد القبول ونفرح بالصدى الاجمل
وقبيلة بني رشيد أهلاً للطيب والعلم الغانم ومن عفاء واصلح اجره على الله

:
:


في جاه عبدا لله زعيـم الجـزيـره
خادم بيـوت الله / وصقـر العروبـه

وبجـاه / مـن مـدات كفـه وفيـره
سلطان / فزعت من عنوا .. وأنتخوبه

وبجـاه نايـف / والنوايـف كثيـره
وأبو فهد سلمان .. مـوت الصعوبـه

والمشعلي مشعـل / وحايـل وأميـره
يا عبس / وأنتم مدهلـه وأظفروبـه

الشمـري منكـم / يراجـي مصيـره
ومنهو "عفى وأصلح" ينـال المثوبـه

لولا المواقـف والقضايـا الخطيـره
مـا بانـو اللـي كـل قمـة رقوبـه

وانتـم / مداهيـل العطايـا الكبيـره
وأفعالكـم / كـل الرجـال أشهدوبـه

في ما مضاء / يوم السنين العسيـره
وأنتم لكم بالطيـب / صولـه وجوبـه

يا أهل الفخر / في كل دولـة وديـره
الحافضيـن / أفعالـكـم فاخـروبـه

يا عبس / يا عبس الشرف يا ضميره
يـا ملتجـى العانـي ومـن ظيقوبـه

يا عبس / يا عبس العطا يـا هديـره
نبي صـدى صوتـاً وصلكـم هبوبـه

يا عبس / ننخاكم عشيـرة عشيـرة
نخوة شـرف تهتـز منهـا شعوبـه

يا عبس / شمر .. والقبايل مسيـره
لبيوتكـم يـا عـز / مـن جلسوبـه

وايمانكـم / فـي كـل طيبـاً جديـره
والطيب منكم / ما نشوفـه أعجوبـه

عسى فداكم / مـن شبوحـه قصيـره
الخايـب اللـي / غالباتـه عيـوبـه

تكفون ثم تكفون / وأرجـع وأثيـره
نخوة شرف / عند الرجال محسوبـه

تكفون ثم تكفون / يا أهـل البصيـره
يـا علهـا للميـت / تمحـاء ذنوبـه

تكفون ثم تكفـون / ماهـي صغيـره
عند الرجـال اللـي تشـرف دروبـه

تكفون ثـم تفكـون / نـار وذخيـره
براس الطنيخ / اللي على ما هقوبـه

لبني رشيد / اهل الوجيـه السفيـره
ارسـل نخاوينـا / وأشعلـل شبوبـه

وبالاسم اخص اللي يشـرف مسيـره
"عايد محمد "هو رجاء مـن رجوبـه

أبن القـلادي / لـه يطيـب أتعبيـره
نرجيه ينقـذ / مـن لموتـه دنوبـه

اطلق ربيطك / وأكسب اجر وبريـره
منكم / نبي شيمـة وجيهـاً سعوبـه

يا نسل ربعـاً / بالملاقـاء ضريـره
حتـى أعداهـم / فعلهـم سولفوبـه

وانخاك / يا ذيب الجمـوع الشهيـره
يالشامخ اللي كلمتـك / لـه وجوبـه

مبارك اللي / مـا تجـي فيـه ذيـره
بـن دويلـه / عـز نـاسٍ لجوبـه

مفراص صعبـات الامـور العسيـره
ابـو معـاذ العـز لـلـي مشـوبـه

وأنخاء الذي / ما خاب من يستشيـره
الشيـخ بـن بـراك / نوبـه نوبـه

تكفاء يابو ناهس / بوجهـك تجيـره
يا ضل / من بيـن بوجهـه لهوبـه

أدرك معانـي صوتنـا / يـا خبيـره
تكفاء تراء تكفـاء / لمـن عشموبـه

جاهك ووجهك " ليـل والا ظهيـره "
ومثلك اليـا قـال الكـلام / احتفوبـه

وأنخاء الذي / به كل مجـداً وغيـره
شباب أبـو نافـع / يجمـل سلوبـه

اللـي يميـز / وارده مـن صديـره
ولا يجهله / من صوتهـم جاهروبـه

الطيب كلـه / شاربـن مـن غديـره
وان حل لاسمـه طاريـاً / رحبوبـه

وسعود عابد / وبن غازي / عشيـره
الله يجـمـل سعيـكـم / حاولـوبـه

أنتم اليا صارت " شـرور وشريـره"
مثل الجبـال الراسيـه / لا أحتموبـه

الكـل منـكـم خالـقـه يستخـيـره
والعلم يبقـاء / عنـد مـن كرموبـه

شعر
فايز الشمري

الموضوع الأصلي: نــداء لـ قبيلة بني رشيد : يا عبس / ننخاكم " عشيـرة عشيـرة " | | الكاتب: فايز الشمري | | المصدر: شبكة بني عبس

[المسافر]

الله يفك كربة جميع مسلم

اميين

[شهاليل]

لاحول ولاقوة الا بالله
صح لسانك اخ / فايز الشمري
والله يكتب اللي فيه خير
[ ومن احياء نفساً فكأنما احياء الناس جميعاً]

[ذيبان الرشيدي]

الله يفك كربة من ذكرته

ويجلي همه

ويكتب له الخيره

أول وتالي

ماهي بيدنا

لانملك الا الدعاء
للميت بالجنه
وللقاتل
بالعفو والسلامه
وأن
يفك الله أسره

فالامر
بيد أولياء القتيل
وليس بيد أحداً سواهم

ومنك ومنا أليهم
لعلها
.....

هذا
ولاحول ولاقوة الا بالله


تقبلــ
جلــ التحيهــ والسلامــ
ذ
ي
ب
ا
ن

[ابو محمد العريض]

ومنا ل ابنا القلادى

[خاتم الرشيدي]

لاحول ولاقوة الا بالله

[ ومن احياء نفساً فكأنما احياء الناس جميعاً]

مناالى صاحب الحق والله يكتب الي فيه خير

[بدر نوران]

فايز الشمري


حياك الله بيننا وياهلا ومسهلا ...

وصح لسانك على هالقصيده ومنا لراع الحق


والله يكب اللي فيه خير


ويفك كربة كل مسلم ...




و


ومن احياء نفساً فكأنما احياء الناس جميعاً




دعواتناااا


أخوك


بدر نوران

[ولد الشرقية]

حياك الله اخوي فايز الشمري وصح لسانك
وان شاءالله ربي يفك كربة كل مسلم.