[البعيد الهادي]

بيض الله وجهك اخوي منور . على هذا النقل والصور
الرائعه .
وهذا مما يسعدنا ويشرفنا نشوف في هذه القبيله احيا تراث من مهرجانات وسباقات للهجن .ونفتخر بهذا التراث .
ونتمنى للجميع التوفيق المبارك ان شاالله تعالى
وبارك الله للجميع .

[سالم الرشيدي]

وعليكم السلام ورحمة الله وبركاته


ونت بخير وصحه وسلامه

بيض الله وجيهكم

والف الف مبروووووك للفائزين


وبتوفيق

والله يجزاء الاخ مبروك ساكر العويمري

على بناء مسجد وعساها في موازين اعماله

وبااارك فيك اخووووي منور العويمري


على التغطيه الراااائعه


وبارك الله فيك ولاتحرمنا من جديدك

[أبن حديجان العجرمي العبسي]

ماشاءالله تبارك الله

أشكر الأخ / منور العويمري علي النقل الطيب لحفل التراث والأجداد

لقبيلة بني رشيد من حرة رني رشيد .

والحقيقة أسعدتنا نقل الصور بالمناسبة السعيدة ((مهرجان سباق الهجن ))

وكل التوفيق للقائمين على هذه المهرجانات ولك .

[مسندالعويمري]

منور العويمري بيض الله وجهك على النقل المميز لهذا الموروث المشرف والمشجع

وشكرا لكل من شارك وحضر وهذا شي مشرف لكل عبسي واتمنا يستمر لماله من مكانه في نفوسنا

ومايعني من اصاله وتراث امتداد حاضرنا لي ماضينا اتمنا يكون يخصص له هذا المكان ويدعم من ابنا القبيله

وحنا في شبكة عبس ندعم مثل هذا الموروث اعلامي ومعنوي ومادي وكل الشكر لكم

والله يجزاء مبروك ساكر العويمري كل خير على بناء مسجد وعساها في موازين اعماله

[عبدالعزيزالعويمري]

بسم الله الرحمن الرحيم


تغطية - اللجنة الاعلامية للحفل


تقرير - الدكتور / عبدالله سعد العويمري/ رئيس اللجان المنظمة للحفل وصاحب جوائز سباق الهجن .

حصري لشبكة عبس :

الحمدلله والصلاة والسلام على النبي المصطفى وعلى آله و صحبه أجمعين ومن تبعه إلى يوم الدين وبعد ؛

السلام عليكم ورحمة الله وبركاته

أقيم في صباح اليوم الموافق 4\10\1429هـ احتفال قبيلة العوامرة من بني رشيد السنوي
بمناسبة عيد الفطر المبارك في حرة بني رشيد ( ميدان العوامرة للهجن في جبل العثمور)وذلك احياءاً للاحتفالات السابقه التي كان يقيمها ابائنا واجدادنا من قبل ولا زالت وكان الحفل برعاية
الدكتور \ عبدالله بن سعد العويمري .
وقد أقيمت وليمة العشاء لليلة الجمعة الموافق ثالث أيام العيد بحضور
عدد كبير من أبناء القبيلة وعدد من الضيوف الكرام على رأسهم

الشاعرين الكبيرين \ رشيد عنيزان الجلادي الرشيدي

والشاعر والمؤرخ \ غنام غنيم الفريدسي الرشيدي .

وأقيمت أمسية شعرية استثنائية بطلب من الجمهور الحاضر أحياها
الشاعر رشيد معدي والشاعر غنام غنيم نالت إعجاب الحضور
والضيوف .
وكان برنامج الحفل يبدأ من صباح يوم الجمعة كالتالي :

1- سباق الهجن (بعد شروق الشمس بوقت قصير ) .

2- تناول طعام الإفطار .

3- بداية الحفل بـ آيات من الذكر الحكيم تلاها القارئ \ سليمان رابح العويمري .

4- مقدم البرنامج الأستاذ \ عابد عبدالرحمن العويمري.

5- كلمة الحفل للدكتور \ عبدالله بن سعد العويمري

( رئيس اللجان المنظمة )

وصاحب جوائز السباق رحب فيها بالحضور

( واشار الى ان هذا المهرجان هو استمرار لـ احتفالات الاعياد في العثمور الواقع في قمة حرة بني رشيد وهوامتداد الاحفاد لما كان عليه الاجداد لا سيما ان العثمور هو احد مراتع الابل واحد مفالي بادية العوامرة في حره بني رشيد وبما ان لكل شعب ثقافتة التي يعتد بها في نمط الحياة اليوميه في نموذج أصيل يترجم الموروث الثقافي والشعبي لحياة الامم واشار إلى أننا ما زلنا نحتفظ بما كان عليه اجدادنا واسلافنا من اقتناء أصايل الأبل وهي ممتلكات سلايل بني عبس الشهيرة في جزيرة العرب من عهد مملكة عبس الغطفانية منذ ملكها الأول زهير بن جذيمة بن رواحة بن ربيعة بن مازن بن الحارث بن قطيعة بن عبس . التي كان لها اجود أصايل الجيش في جزيرة العرب وبما أن الأحفاد تتوارث أمجاد الأجداد عبر حقب زمن التاريخ فنحن اليوم نحيي سنة من سنن نبينا محمد عليه افضل الصلاة واتم التسليم وهي افراح العيد باحياء فعاليات سباق الهجن في الاعياد وهي عادة تسير على احيائها قبيلة العوامرة سنويا في عدة مواقع مختلفة في حرة بني رشيد ) .

6 - قصائد شعريه بمناسبة هذا الحفل للشاعرين الكبيرين :


1- رشيد بن عنيزان الجلادي

2- الشاعر والمؤرخ / غنام بن غنيم الفريدسي



قصيدة الشاعر رشيد عنيزان الجلادي :

أبكتب التاريخ باحروف وسطور=بابيات شاعر ماتغير لحونه
تاريخ لأهل المجد والفعل والشور= بني رشيد ورايهم يجمعونه
ليا كتسى وادي من الوسم ممطور= أحفاد عبس بطرشهم ينزلونه
بوضحٍ وملح دونهن خيل وسبور= واللي يحاول كسبهن يدبونه
وشعلٍ وحمر وصفر تقهر بمقهور= وشقحٍ عليهن وسمهم ياسمونه
كفه على أيمن فخذ حلقه ومجرور= يعرف بها العبسي وتعرف ضعونه
ليا شافها الغازي توقف على الفور= بين الطمع والخوف تكثر ضنونه
يدري وراها موت والموت محذور= وباب السلامة عبس ما يفتحونه
البل لها تاريخ وأدوار وعصور= تاريخها الفريس ما يجهلونه
من دونها طابور يفتك بطابور= قبل البلاد ملوكنا يوحدونه
واليوم حنا بأمن وفراح وسرور= أمن البلاد ملوكنا يحرسونه
واللي عطاه الله من مد ميسور= يشري فحلها لايتغالى ثمونه
وليا بدت حاجه فلاهو بمعسور= يبيع في مليون بنت اللبونه
البل ذكرها الله وهو خير مذكور= في محكم التنزيل خلقه يصونه
سفن الصحاري تصبر شهور وشهور= على الظما والجوع فيها خشونه
من خلقت الدنيا لها وصف مأثور= أوصافها وألوانها يذكرونه
وضحٍ وصا يفهن مثل شعت النور= ومن الوبر لون القطن يقطفونه
وبعيرهن مزيون بالزين مغمور= أوضح سناد ونابياتٍ متونه
وملحٍ وصايفهن كما الغيم مأمور= خيل على حره وساقت مزونه
وبعيرهن بطنه كما قوس باكور= أملح سها وياً كما الكحل لونه
وشعلٍ كما الصوان الأشعل لهن طور= من شعلة الصوان فيهن نمونه
وبعيرهن وصفه جنيه ومصرور= أشعل ووصف الجمر داخل عيونه
وصفرٍ وصف حمسه على غير دافور= حماسها ذربٍ طوالٍ ردونه
وبعيرهن في وجهه الزين منشور= أهل المزاين كلهم يمدحونه
وحمرٍ وشقح طوال ذرعان وظهور= الزين فيهن والبها تاجدونه
زجرة فحلهن كنها دنة نجور= ومن السطر تسمع تضارس سنونه
وليا أعترض وصفه كما وصف بابور= ليا شافه الوبال هيض شجونه
يأهل المزاين ياشغاميم وصقور= بالله علام الجيش ما تزاينونه
وأنتم هل الطولات ما فيكم قصور= واجبكم ارث أجدادكم تكرمونه
ورث الفخر والمجد وأبليس مدحور= اللي ليا طال المدى تمتطونه
عبدالعزيز الفيصلي ركب بالكور= والهجن سجه لين يبست شنونه
يواصل الغاره بغاره ومنصور= فوق النضاء والحرب ترقص جنونه
ويوم القبايل بين ناحر ومنحور= والجيش بأصله والعدد يحفظونه
شعب الجزيره يحفظ الجيش بفخور= وعلى الأصايل وصلوا اللي يبونه
وبعيرنا ريمان بالأصل مشهور= الباديه والحاضره يعرفونه
يلحق كراديس السبايا بلاجور= وليا أنتحى أهل الخيل مايلحقونه
وخلف لنا ريمات كاصيد مذعور= بنات أصيلٍ بالمهر يمهرونه
راعيه شغمومٍ محنك ومسطور= كم شيخ قومٍ واجه الموت دونه
قبل الصباح وقبل مالبندق تثور= خوفٍ عليه من الرمي يبعدونه
مخصص له فارسٍ ذرب ممرور= فريدسياً بندقه ما تخونه
وليا أعترض صابور في وجه صابور= فرادسه يوم اللقى يحتمونه
وريمان رقم أثنين بالأصل مخبور= بريمان الأول بالعدد يركزونه
أبعير أبو سته ومدهـاله القور= أصيل وأصل الجيش له ينسبونه
ينزل من الإكليل لفياض عثمور= والراس الابيض مرتعه في ركونه
من طيب ساسه دونه الدم منثور= عوامره بسيوفهم يمنونه
ريمان لبن غنيم ما فيه منكور= بريمان الأول بالعدد يثبتونه
أصيل وكواعه بعيده عن الزور= ما تلحقه بالجري كل امعنونه
الفضل لله ثم راعيه مشكور= قال الجمل عن عبس لا تمنعونه
وخلال عقد أنتاج ريمان مكثور= ريمان أبن ريمان وصفه ولونه
أنتاج حرٍ بأصله الجيش معمور= بني رشيد بجيشهم يملكونه
كتبت عن ماضي وحاضر ومنضور= وهرج الصحيح الناس ما ينكرونه
وكل القبايل تمتلك مجد موفور= طيب وشهامه والثناء يكسبونه
ألهم قيم عليا وحنا لنا دور= وذكر الوفاء أهل المجد ما يجحدونه
وحنا نقول الحق مانشهد الزور= واسباع نجد النور ما يكتمونه
وختامها صلو على خير مبرور= أبن الذبيحين النبي تتبعونه

7 - توزيع الجوائز على المتسابقين من المركز الأول وحتى الأخيرالمقدمه من راعي الحفل الدكتور \ عبدالله سعد العويمري .

8- تكريم خاص من بعض الحضوربـ هدايا رمزية للمتسابقين وهم كالتالي :

1-سعد فخري العويمري

2-محمد بن علي العويمري

3-سعدي بن مساعد العويمري

4-سليمان بن علوش العويمري

5-فالح فلاح العويمري

6-سعود بن عواد العويمري



وتم اختتام الحفل بكلمة ختامية للدكتور \ عبدالله سعد العويمري

شكر بها اللجان القائمة على الحفل والداعمين للحفل الحالي

والداعمين للحفل القادم .



ونترككم مع صور الحفل .

//////


بداية رحلتنا :)


















اثناء وصولنا الى مقر الحفل :)






























صور بداية الحفل ( سباق الهجن )


الدكتور / عبدالله سعد العويمري






صور منوعه للحفل






























الاستاذ : ساكر علي العويمري رئيس اللجنه الاعلامية

وعضو لجنة التنظيم سعدي مساعد العويمري




الدكتور / عبدالله سعد العويمري

وعضو لجنة التحكيم / سعود عواد العويمري






اللجان القائمة على الحفل \


لجنة اعضاء سباق الهجن :

1-نايض عزام العويمري

2-حمدي رحيان العويمري

3-سند دغيبج العويمري

4-مسعود مسعد العويمري

5-فلاح رشيد العويمري .


اللجنة التنظيمية :

1-عابد عبدالرحمن العويمري

2-سعدي مساعد العويمري

3-فازع سعود العويمري

4-فريح دبسان العويمري

5-حامد هديرس العويمري

6-صالح مساعد العويمري

7-عبدالله عالي العويمري


اللجنة الاعلامية :

1-ساكر علي العويمري

2-يحيى عالي العويمري

3-عبدالعزيز عابد العويمري

4-منور محمد العويمري

5-ناصر عبدالله العويمري

6-راشد معلا العويمري

7-صالح سعود الفريدسي

8-فهد سويلم العويمري


لجنة التوعية الدينيه :

1-سليمان رابح العويمري

2-تركي سعود العويمري

3-بدر سالم العويمري

4-منيف عبيد العويمري

5-حميد علي العويمري

6-عواد دابس العويمري


اللجنة التحكيمية :

1-عابد عبدالرحمن العويمري

2-سعدي مساعد العويمري

3-سعود عواد العويمري

4-سليمان رابح العويمري

5-مرجي ثامر العويمري

6-ناصر عبدالله العويمري

7-فالح عيد العويمري


لجنة الاستقبال :

1-عيد غميض العويمري

2-عبدالله راشد العويمري

3-عناد عيد العويمري

4-عبيد نافع العويمري

5-سويلم سند العويمري



اصحاب الهجن:





وشكرا ً على تواجدكم ونلتقي في مناسبة اخرى

ملاحظة : سيتم اظافة مقاطع الفيديو والصوتيات قريباً ان شاء الله .

[الاجهر]

مشكور بارك االله فيك
تغطية رائعة وصور جميلة وفقرات مرتبه
ونعم بالعوامرة واخص الشنينات
تحياتي

[عبدالعزيزالعويمري]

اقتباس من مشاركة الاجهر مشكور بارك االله فيك تغطية رائعة وصور جميلة وفقرات مرتبه ونعم بالعوامرة واخص الشنينات تحياتي

العفووو

وماعليك زوود

تسلم يالاجهر ومشكور ع المرور وع التثبيت :)

[المسافر]

الله يبيض وجيهكم يالعوامرة

وتغطية وافية من رجل وافي



لاهنتم