[سند المهيمزي]

يا دارنا حبك سكن بيـن الأهداب=الدمع ماه ورمش عيني سريره
والقلب يفتح لك مغاليق الأبواب=غلاك زاد اليوم عن كل ديره
يا دار عودن صار للمجد طلاب=خلى العدى من ضرب سيفه كسيره
عبد العزيز اللي خذك يوم الانشاب=وقطع أقيودك يوم كنتي أسيره
من دار اخو مريم على الخيل وركاب=جالك بسيفه متعب لك بعيره
حتى رقابك مع هل المجد مرقاب=وبين العرب والفرس صرتي شهيرة
وعم السلام أشروقها الحد الأغراب=وصافا النفوس اللي من أول شريرة
وخلا القبايل كلها أخوان وصحاب=من عقب ماهي كالوحوش السعيره
يـا الله عن نارك تجازيه بحجاب=وبجنة الفردوس يلقى مصيره
ويا دارنا فلي الجدائل لك أحباب=أنتي أبوجه أعيال صقر الجزيرة
فلي الجدائل وألفحي حب وعجاب=للي عيونه دون شعبه سهيره
عبد الله اللي أيحلها يوم الاصعاب=اللي يحل ألمعجزه والخطيرة
صقر العروبة هيبته عند الأجناب=هيبته أمواج فـــي بحور غزيرة
وولي عهده مزبن الكل منصاب=كفه على العائل رحى مستديرة
سلطان أبو خالد كما غيث سكاب=ويمناه بالمدات ماهي قصيرة
ويا خادم البيتين نبذه من أكتاب=أكتاب لو تقــرا سطوره كثيرة
عن الذي باقين شبن وشياب=وبقلوبهم لدار حب وغيره
على الوفاء مطاوعو حزب الإرهاب=والبيعة أتجدد ضحى وظهيرة
خذها بكلمه مابها خدع واكذاب=كلمت رشيدي صافيً لك ضميره
يقولها عن عبس حضار وغياب=بني رشيد أهل المهار المغيرة
والله لناقف وقفت الزير وذياب=أليا طمع بالدار نفسن حقيرة
حنا لها إن كان ولد ألردي غاب=نثبت لها لو الخسائر كبيره
ونتم ذرانا و عزنا يوم الاكراب=ورماحنا وسيوفنا والذخيرة
يا اللي حكمتو نجد وديان وهضاب =عزومكم نقطع ادروبن عسيرة
ويا الله تكفي دارنا شر الأسباب=وتحفظ لنا منهو يقود المسيرة

الشــاعــر:ســــند الـرشـــــــــيدي

الموضوع الأصلي: يا دارنا حبك سكن | | الكاتب: سند المهيمزي | | المصدر: شبكة بني عبس

[عليان الدبعري]

صح لسانك و القصيده جزله ومشكووور

[مسندالعويمري]

صح لسانك يا سند المهيمزى

قصيده رائعه من شاعر رائع

[مرزوق العجوني]

صح لسانك اخوي ولا هنت وتقبل مروري

[الـفتى الـرشيدي]

صح لسانك يا سند المهيمزى

قصيده رائعه من شاعر رائع

[كهل الصباء]

أخوي سند؟
أسعد الله أيامك.

تشرفت بالإطلاع على أول قصيدة لك بالصرح الشامخ...بداية موفقة إن ساء الله مع شبكة بني عبس.

وأوعدك بالعودة للقصيدة وكتابة مرئياتي حولها.


دمت بووووووود

[سند المهيمزي]

مرزوق العجوني
عليان الدبعري
مسندالعويمري
الـفتى الـرشيدي
راشد رباح
كهل الصباء
الاخوة الكرام اشكر مروركم
ولا نستغني عن توجيهاتكم ومرئياتكم
شكراً مرة أخرى
وشكر خاص لمرزوق العجوني على التنسيق الرائع.