[عبد الرحمن خضير]

لي مدة وانا بضواحي زبيعير=ادوره بين الحمار وسماره
انشد البدوان وادوج عصير=واسوق للي جاب علمه بشاره
يابن عوض لي صاحبٍ صايرٍ غير=غير مفاهيم البدو بالحضاره
مايلبس الا من جداد التنانير=ولبسٍ زها المجمول ماهو خساره
عمهوجتن تسوى جميع الغنادير=عندي وكل انسان حسب اختياره
اهوت على قلبي كما اهوايت الطير=واستيسرته بكل فن وشطاره
غضا غضيضه والنهد توه صغير=هي فتنة القلب المعنا ودماره
شبكتها مير اخلفن المقادير=واليوم يامبعد دياري وداره

[/QUOTE]

الموضوع الأصلي: اهوت على قلبي كما اهوايت الطير | | الكاتب: عبد الرحمن خضير | | المصدر: شبكة بني عبس

[ناصر خنيفر]

اهوت على قلبي كما اهوايت الطير = وستيسرته بكل فن وشطاره

صح السانك يابن خضير قصيده وافيه من شاعر عروف

[خلف العايضي]

صح السانك


قصيده رائعه ياراعى زبيعير ونهج وطرق مميز

[مرزوق العجوني]

صح لسانك ولا هنت وتقبل مروري

[عبد الرحمن خضير]

اقتباس من مشاركة ناصر خنيفر اهوت على قلبي كما اهوايت الطير = وستيسرته بكل فن وشطاره صح السانك يابن خضير قصيده وافيه من شاعر عروف

صح بدنك وحياك الله يالعمده ....

شهاده اعتز فيها من ابو تركي .... وش اخر اخباركـ يالغالي

[كهل الصباء]

أخوي عبدالرحمن خضير؟
أسعد الله أيامك.

أنا أول مرة أقراء لك قصيدة لكنها بصراحة قصيدة تستحق الشكر عليها أتمنى منك الإستمرار بالإبداع لأن هذه القصيدة لشاعرها مكانته المميزة بين الشعراء.

دمت بووووووود

[بحــ الخليج ــر]

الشاعر عبدالحمن بن خضير لايحتاج شهاده ولكن سجل اعجابي بهذه الرائعه وصح لسانك
يابن عوض لي صاحبٍ صايرٍ غير
غير مفاهيـم البـدو بالحضـاره
مايلبس الا مـن جـداد التنانيـر
ولبسٍ زها المجمول ماهو خساره
عمهوجتن تسوى جميع الغناديـر
عندي وكل انسان حسب اختيـاره

[مبارك نافع]

اشهد بالله انك شاعر يابن خضير بمعنى الكلمة