[سعد المظيبري]

السلام عليكم ورحمة الله وبركاته وبعد

هذه المحاورة جرت بين كلا من سعد بن جدلان الأكلبي و سلطان بن وسام الهاجري



الهاجري
يا سلامي ردةٍ من بقيق إلى الجنوب
الهبوب تدفها و السعد يبرا لها
ما اقدر اصدق صدوق و لا أكذب كذوب
لين أشوف الغترة اللي يطيح عقالها


سعد بن جدلان : مرحبا ترحيبة كنها رسم النصوب
كلما نشّت يسير العرب باضلالها
صاحبي قد له سنة قلبه دبوب
لا لقا له صخرة ماتشال اشتالها


سلطان الهاجري :
انت مندوب الأذاني و مندوب القلوب
و الحقيقة كل حسنة بعشر أمثالها
شلتها من قو باسي و لا نيب مغصوب
و انت حتى العوسجة تنسدح بضلالها


سعد بن جدلان :
أنت دايم منشغل في الحساني و الذنوب
تحسب ان رب الملا ما خلقك الا لها
ما نبي نور القمر يختفي قدم الغروب
تأخذه يمنى الهوا بالهوا لشمالها


سلطان الهاجري : ليش تهرج كذا و انت شعب من الشعوب
الشعوب لحالها والملوك لحالها
ما نعرف الأجرب الا اليا حك الجنوب
و الفرس ما تشره إلا على خيالها


سعد بن جدلان :
انت يا سلطان ما انتب على العليا مغصوب
خلها ترتاح احلا لكم و احلا لها
أنا حراث المزارع و طحّان الحبوب
لا طحن لك حبة ما عطاك بدالها


سلطان الهاجري :
أنت ابن جدلان ما انته بعلام الغيوب
كل يوم يا سعد حالتك يرثى لها

الموضوع الأصلي: محاورة بين الشاعر سلطان الهاجري والشاعر سعد بن جدلان | | الكاتب: سعد المظيبري | | المصدر: شبكة بني عبس

[ابو براك الرياض]

الله يعطيك العافيه

[عبدالله الزبني]

اللة يعطيك العافية

[عبس404]

مشكور على نقل هذي المحاوره الرائع والله يعطيك العافيه