[سعد بن عادي]

مابين وسْع الخيال وضيقة الواقع
مدري يموت الشعر وألا معازيمه

[سعد بن عادي]

غريب ماسوّت امريكا لعينك حصار
وانتي عيونك بها تخصيب يورانيوم

[سعد بن عادي]

يا وجودي يا وجودي يا وجودي
والله انا مانقول الا الحقيقه
مالعب في حسبة الشعب السعودي
كله الاّ شعب لبنان الشقيقه

[سعد بن عادي]

كلّها يومين .. يا اطوال العمار
وكان ما جينا على الظّن ( العفو ) ..!!

البلى مدري .. اليا زحنا السِّـتار
وقتها .. نكسب : ( أفا ) وألاّ ( كفو ) ... ؟!!؟

[سعد بن عادي]

يا حبيبي والمواصل عز .. والفرقـا مذلّـه
لا تعلّقني .. وميّز في شموخي وانكسـاري
والله اني يوم جيتـك والمشاعـر مستقلّـه
ما دريت انك تسحّبني .. وتعطيني كبـاري!
لين ضاعت صورتي بين الجريده .. والمجله
مير جعل الله يعين الحظ فـي رد اعتبـاري

[سعد بن عادي]

وقف دونها لا بعث حيـه عقيـم الشـور
حجرها الحجوري وانسلب راي شا يبهـا
طلبت الوصال وقال عطني حليب اطيـور
ياخوك الطيـور الطايـره مـن يحلبهـا

[سعد بن عادي]

لها كل هتان الغلا من خفوقي لين
توقف ركايب رحلة العمر يامناحي

[سعد بن عادي]

كل مافكرت بأزعل منك واعتب واتضايق
ضاقت الدنيا علي وجيت لك زعلان راضي !