[ابوتوتو]

السلام عليكم ورحمة الله وبركاته
محاوره بين الغني والفقير ..


الفقير /
بعد جيت ياللي ورى المال تتعب ~
وعينك للارباح والزود ترقب ~
هلا بك هلا بك .. ومرحب ومرحب ،~
والايام يومين ، والشك زائل ~

الغني /
يدوم البقى يا الفقيرالحسودي ~
كثر ماحسدت الغني بالنقودي ~
ولكن بعين الحسودين عودي ~
والايام يومين ، والشك زائل ~

الفقير /
انا ماحسدتك ورب البريه ~
عطاك الكثير وعطاني شويه ~
وانا راضي بقسم مولاي ليه ~
والايام يومين ، والشك زائل ~

الغني /
تقول وبعض الفقارى يجوني ~
على الباب ياكثرهم يحتروني ~
وانا مسهرن دون مالي عيوني ~
والايام يومين ، والشك زائل ~

الفقير/
الله عطاك ، وهذولا عباده ~
مساكين ماتهتني بالوساده ~
ولا عطيتهم عز مالك وزاده ~
والايام يومين ، والشك زائل ~

الغني /
انا ماقهرني غير الفقارى ~
لاصدنا وقامت تقز الحبارى ~
وحنا لها كم قطعنا الديارى ~
والايام يومين والشك زايل ~

الفقير /
وانا ماذبحني ياكود الغناوي ~
قليل المروه ضعيف الهقاوي
لاصار المداوي وعيا يداوي ~
والايام يومين ، والشك زائل ~

الغني /
انا ماتعبت وسهرت الليالي ،
وجيت البحور ورقيت الجبآلي ~
عشان اعتني في ضعوف الرجالي ~
والايام يومين ، والشك زائل ~

الفقير /
فقارى مخابي والانفس غنيه ،~
ترى انا خوين ماينسى خويه ~
لاقال الحميه تجيه العطيه ~
والايام يومين ، والشك زائل ~

الغني /
يقول الغني في ختامه وبوحه ~
انا اسف ومنك العذر والسموحه ~
وعسى كل مجروح تبرى جروحه ~
والايام يومين ، والشك زائل ~

الفقير /
تقبلت عذرك لكن ذكر اللي ~
لربه مطيع ويصوم ويصلي ~
لاينسى ضعيفن دموعه تهلي ~
والايام يومين ، والشك زائل ~

الموضوع الأصلي: الشك زايل | | الكاتب: ابوتوتو | | المصدر: شبكة بني عبس

[نطاح]

تنقل للقسم المنقول مع التحيه هههههههههههههههه

[ناب الجمل]

ههههههههههههه والله قابسه بين الفقير والغناوي

[المحترف العبسي]

محاوره هادئه ولا يستفاد منها شكرا لك

[شاعر الصعاليك]

ابو توتو انت اي واحد فيهم هههههه
سلمت يمينك يا صاحبي

[عبدالله غانم الرشيدي]

اضم صوتي لصوت المحترف محاوره هادئه ولايستفاد منها

[ابوتوتو]

اقتباس من مشاركة نطاح تنقل للقسم المنقول مع التحيه هههههههههههههههه

لله درك ياشيييخ
ارجو من الادارة تعييينه مرااااقب عاااام
ههههههههههههههههققق

[ابوتوتو]

اقتباس من مشاركة ناب الجمل ههههههههههههه والله قابسه بين الفقير والغناوي

مثل ماتقبس بيني وبينك عن قريب
ههههق
الله يسعدك ياناب البعيييييييييير