[ابن الصميدي]

صديت والصده تعلمك قدري

ما ضاقت الدنيـا ولـو ضـاق صـدري؟
كذا ! ! مدام الضيـق اصبـح تساهيـل؟

الطيـش عـذرك ! والمقاديـر عـذري !
والفرق واضـح واقطـع القـال والقيـل

صابـر عليـك و لا نفـع فيـك صبـري
يعني عن اذنك . . مابقى فالصبـر حيـل

صديـت . . و الصـده تعلمـك قــدري
البعد يكشف ويـش قـدر الرجاجيـل ! !

بسري لا تسألنـي علـى ويـن ؟بسـري
دام السهـر لجفـون عيـنـي مداهـيـل

لا تقـول سامحنـي ولا تقـول بــدري
بـدري مـن اعمارالخـبـول المهابـيـل

الليـل يغـري ! وانـت طعنتـك تغـري!
والقاف وش يبغى سوى ( طعنه و ليل ) !!

بآجـر صوتـي وانطـرب دام فـكـري
زعلان من جيلين .. وراضي على جيل ؟؟

وقصيـدي اللـي كبّـره صغـر عمـري
يسوقنـي للمـجـد ســوق الفناجـيـل

يطري علـيّ لا ضقـت ولا انـت تطـري
كل ما طرالي الدمع ! واخـذ التفاصيـل :

الدمع : ماهو ( ماء ) أهلـه ويجـري ؟!
الشاعـر دموعـه قصيـد ومواويـل !!

بكيـت لـك ( بيتيـن ) وابيـك تـدري .
ان الشعـر منهـا غـدى دمعـه يسيـل

ما عرّف اوراقـي علـى طيـش حبـري
الا : رداة الحـظ و العـشـق والـويـل

ولا ضيّق الدنيا وسط ( عين شعـري ) ؟؟
الا غـدر نسـل الرجـال المشاكـيـل !!

الموضوع الأصلي: صديت والصده تعلمك قدري | | الكاتب: ابن الصميدي | | المصدر: شبكة بني عبس

[سحايب]

الله الله صح السان شاعرها
جدرؤؤؤعه لاهنت على هالطرح

[مرتاحه دومز]

لاهنت ع الطرح

[عايض حماد بن عريجه]

صح السان شاعرها وسلمت يد ناقلها ..
تحياتي لك ..

[حكاية عطر]

ابداااع
الف شكر

[جفاا]

الله الله مممن جد روعه
يسسسلم ذوقكـ :)

[ابن الصميدي]

الله يعافيكم حبايبي ..!

منورين الصفحه بتواجدكم ..!

مانحرم منكم يارب ..!

تحياتي لكم