[صاعوق]

بنك الشعر انسان مفوه=لو انه في شعره توه=جوي قام يروق لجوه=حلي ياحلاوه حلي
ان لعبت الطرق هذا=مالتفت لذاك وهذا=يالطالب شوف الاستاذا هههه=حلي ياحلاوه حلي

الموضوع الأصلي: حلي ياحلاوه حلي | | الكاتب: صاعوق | | المصدر: شبكة بني عبس

[العـير]

بنك الشعر مالظاهر انه موجود ماتباني اتفاهم معك يالحبيب

[صاعوق]

لي الشرف اخوي العير تفضل مالي الا الشرف طال عمرك

[العـير]

بالنيابه عن خويي= جيتك واستقبل مجيي=منت بلاقي شخص زيي= حلي ياحلاوه حلي
طاروقك طاروق معوق=والعار لصاعوق مشوق=مير والله لاتفوق= حلي ياحلاه حلي

[صاعوق]

مَستقبل عيرٍ متوحش=من دروب القوم منحش=بالهزايل ثور مفحش=حلي ياحلاوه حلي
طاروقي مينزل قدره=عيرٍ مثلك ماله قِدره=احواله دايم منحدره حلي ياحلاوه حلي

[العـير]

ابك انا عيرٍ مطيري=والعير الحيوان غيري=علمتك واكفيتك خيري= حلي ياحلاوه حلي
قدرتي ماهي بسيطه= بالرياجيل النشيطه= والانته صادم لك حيطه= حلي ياحلاوه حلي*

[صاعوق]

انت والحيوان واحد=مايجحد كلامي جاحد=مثل المستلحد والاحد=حلي ياحلاوه حلي
قدرتك قدره منفيه=والحسنه تقلبها سيه=والوقفه ماهي محميه=حلي ياحلاوه حلي

[العـير]

لاتشبهني بعلمك=كل هالتشبيه يمك= ماعرفت ابوك وامك= حلي ياحلاوه حلي
انت مجهول الهويه=واسمك في هذي وذيه= الزمن حطك ضحيه= حلي ياحلاوه حلي