[سمو المجد]

صمتك ذبح في داخلي كل الامآل
واوقد على قلبي وزاد اشتعاله
ياصاحبي مابالهجر لي تجمّال
اعطف على غاليك واكسب جماله
قلب ٍيحبك ..لاتجازيه باهمآل
يكفي عليه من الزمن ماجرى له
ماجيت لك من راي والا سعة بال
الا عجزت وهم قلبي .. برى له
مانيب قايل ..في ستر ماشي الحال
الا صويب وحالة الروح حالة
انا شمالي والهوى بس لو مال
ضيعت وجهاتي ولا بي جهاله
وانتي من الاجواد ذربين الافعال
اللي لهم سلم الوفاء باكتماله
هاك الخفوق اللي يحبك ولازآل
اسالك بالله لاترد العنا له
باقي وانا في غيبتك ابني امآل
وكلن يغني بالهوى ماجرى له
ياليل انا بوصيك في كل الاحوال
يمكن تشووفه يوم جالس لحاله
ابغاك تتنحنح وتووقف على جال
الين تسمح لك وتوصل قباله
دنق عليها وبوس يدينها حال
وسلم عليها واسأله كيف حاله

قله تعب باقي على العهد مامال
لو شانت ظروفه وزلَّت حباله
وقلبه تقفل من بعدكم تقفال
اعن الغرام وكل شخصٍ صفى له
واليا سمع ماقلت ياليل بالحال
هات الجواب اللي زهى باكتماله
وخلني انا واياه ياليل الاطلال
اببكي دموعٍ وقلبٍ صفى له

الموضوع الأصلي: صمتك ذبح في داخلي كل الامآل .. | | الكاتب: سمو المجد | | المصدر: شبكة بني عبس

[أميرة البنات]

طرح موووووفق




عواإفي

[عايض حماد بن عريجه]

صح لسانك وبانتظار جديدك

[سند الداموك]

نص راائع

تسسسسلم

[ابن اخزيم]

صمتك ذبح في داخلي كل الامال
وواقد عل قلبي وزاد اشتعاله
صح لسان الشاعر ابيات رااائعه جدااا
سلمت عل النقل
سمو المجد

[سمو المجد]

اقتباس من مشاركة أميرة البنات طرح موووووفق عواإفي

الله يعافيك شكرا لمرورك

[ملح وقبله]

صـــــــح الـــــســــانك
مشكوووووور والله يعطيك الف عافيه على الطرح الرائع

[سمو المجد]

اقتباس من مشاركة عايض حماد بن عريجه صح لسانك وبانتظار جديدك

صح بدنك وشكر ا لمرورك