[كحيلة]

السلام عليكم..
صباحكم//مساكم شعر تغنى به البحر الميت واطرب خيال كل عاشق..اخترت لكم قصيدة فاضت بأجمل الأبيات.
يقوووول:


صــدق وقــال الـقـول والـقـول ذمـه
الكذب عيب ولاكسـب خيـر راعيـه..

وقلبي الـلـي كـل هــم يــخــمــه
اللي يـخـمـه خـم واللي يـنـاديــه..

واللي يـحـدره تـحـت واللـي يـزمـه
واللي يصوت له على وادي التيـه..

واللـي يصفـق لـه عـلـى راس قـمـه
واللي يسـويله حــواجــز وتـمـويـه ..

يسـبـح لحالـه بالبحـورالـمـطـمـه
وتعبت يديه من السباحه ورجليه ..

شـمـل تـشـتـت مـنهـو اللي يـلـمــه
وحبـيـب أبعـد مـنهـو الـلي يـدنـيـه ..

وين الحبيب اللي بصـدرك تضمـه
اويـن الصديـق اويــن تبـغـى تلاقـيـه ..

ومـن لايشـم الـورد خشمـه يصمـه
يـصـم خـشــم صـم ويـسـكـر اذنـيه..

وجـه يعد مـن الـوجـيــه الـمـرمـه
وأهل الوجيه البـارده مالهـا وجيـه ..

ويطلـع صديقـك فـي نهـار الملـمـه
وإن ماطلعلـك مابقـي شـي ترجـيـه ..

ومن يقتـرب مـن شـر يمكـن يعمـه
لو إن هـذا الشـر مالـه دخـل فـيـه..

والداب فارق رمـثـتـه قـبل سـمــه
فرقـا خـيـر من تحــذر حـوالــيــه ..

وإن اصدفك مـن حـط راسـه بكمـه
لاتـنـاقـشـه في شـي والآ تـنـاحـيـه..

ولافيه للقـمـام غـير الـمـقـمـه
ولافيه للمـجـنـون ياغـير اهاليـه ..

ومن لايـروم الــعــز والآ يـشــمــه
خـله يولي لـعـنـبـو مـن يـمـاشـيـه..

ولاخـيـر في رجـــال مـايـفـور دمـه
ولاخـير باللي مايــقــدر بـنـاخـيه ..

ولاخــير بـالـلي كـل شــئ يـهـمــه
ولاخــير بـالرجال لابــان خـافـيــه ..

ولاخيـر باللـي مايوايـق عـلى امــه
وإيعرف ماتـبغـاه قـدام يـشــريــه ..

ورجل بليا إيـمـان مـافـيــه ذمـه
ولاهـو بويا الـربح رجـل يـخـاويـه..

ومن فيـه حسـد بذمـتـي فـيـه نـمـه
ومن فـيـه نـمـه يقـطـع الله طـاريـه ..

ولاتـمـدح الرجال ثـمــن تــذمــه
إن ماحصلك مطلبـك قمـت تشنيـه ..

رح للـذي يــرتـــاح لارحـــت يـمـه
ومـن لا يبيلـك يـوم تزعـل مـن ليـه ..

وعـسـي الردي مـايـفـرج الله هـمــه
وعسي مريض القلب مالله يشفيه ..

وأم اللـيالي لـيـلة مــدلـهــمــه
وأم الخبايـث خـمـر يخـتـل حاسـيـه ..

وحلـو الحـرام يصيـر بعديـن غـمـه
ولاربـح بـياعــه ولاربــح شــاريـه ..

وحــرف بـلا فـتـحـه ولافـيه ضـمـه
يغلط بنطقه بعض الأحيان قاريـه..

وتبـي الحـديـد يذوب بالـنـار حـمـه
وتبي الـكـلام يـزيـن عـمـق معانـيـه..

ومـن تقصـر حبالـه ولــوورد جـمـه
مـاهـو بــلا شــارب ولا الله مسـقـيـه..

وأنـا أشهـد إن الوقـت هـذا مطـمـه
ليا فكر الرجال بـالـلي حـوالـيــه..

والفـضـل لله والله الـلـي يــتـــمـــه
والله عـظـيم وكـل شـــــي يـســويــه..

وسلامتكم..

الموضوع الأصلي: من لايروم العـــز والا يشمه..خلــــه يولــــــي,,لعنبو من يماشيه!! | | الكاتب: كحيلة | | المصدر: شبكة بني عبس

[احمد منيف]

وأنـا أشهـد إن الوقـت هـذا مطـمـه ليا فكر الرجال بـالـلي حـوالـيــه.. والفـضـل لله والله الـلـي يــتـــمـــه والله عـظـيم وكـل شـــــي يـســويــه

الله الله عليج يالكحيلة قصيده راقت لي بالحــــــــيل ...

تسلمي يالغـاليه ع النقل الممتاز ...

لاخلا ولاعدمممممم <~ :)

[كحيلة]

الي يرووق لي بالحيييل مرورك يالغالي..هلابك عد ماحطو العرب ونوخت عقب طول الرحيل اركابهم..
يسعدلي هالتواجد الراايق..
لاخلا ولاعدم يالغالي <~

[ابن اخزيم]

صح السانكككككككككككككككككككككككككككك

[تعبت منك]

مشكوووووور والله يعطيك الف عافيه

[عويض بن شامان بن خلف]

صح لسانك ياعبدالله وعلا شانك
الكحيله الف شكرع حسن الاختيار
رغم ان كل قصائدابوباتل درر
ممكن اذا كان لديك الفصيده الي منها= ياصاحبي سوداليال احرمتني =من شوفتك وانت الوحيدبحياتي
ان امكن تنزليها لنا مع الشكر

[ابـــو غنام]

مافيه للقمام غير المقمه ولافيه للمجنون غير اهاليه

بيت جميل جداً اعجبني كثيرا يسلمووو على نقل القصيده يآآختي الغاليه