[نادر بن مساعد]

اسعد الله اوقاتكم بكل خير


الى جميع من يستفسر عن مشاركتي بشاعر المليون

اهديكم هذا النص

الرواسي راسيه لو هبت الريح بهواها = والله ان طويق باقي في ثرا نجد العذيه
ياقصيدي وانت مثل القمره اللي في سماها = نورت ركن الفضا لو الليالي سرمديه
يوم جفن الموارد وامحلن من عذب ماها = والله انك ماوردت الا على عدن رويه
ادري انك عارف القصه وانا ببحث خفاها = ماينزل قدرك العالي (مزاد الأبجديه)
الذيابه لو تروس الرجم وتكرر عواها = ماتهيب من يشممها بخور البندقيه
البلا صكات بقعا يوم دارت في رحاها = مايرد اسهومها من كانت عزومه قويه
الشهاده زور دايم في جهنم منتهاها = لو يجون اشهود (خمسه) زور نيتهم دنيه
علمو من جابها من حر ماله واشتراها = لايسيبها تراها غاليه بنت العبيه
يوم قالو ذمة العشاق هابط مستواها= من يلوم ابن الملوح دام حب (العامريه)
والصحيح يصح والدنيا فلا يلحق مداها = شرعنا شرع الولي نبقا على سنة نبيه
والرواسي راسيه لو هبت الريح بهواها = ابك ذاك (طويق راسي) في ثرا نجد العذيه

لـــحــــفــــظ الــــمــــقــــطــــع

مغليكم / نادر بن مساعد

الموضوع الأصلي: بعد مشاركتي بشاعر المليون اهديكم هذه الكيبورديه + وبصوت شاعرها | | الكاتب: نادر بن مساعد | | المصدر: شبكة بني عبس

[fahad_alrshedy]

الشاااااعر العذب نادر بن مساعد


صح لسانك

[سعد الشقل]

الشاعر الرائع..// نادر بن مساعد

صح اللسانكـ وليس غريب عليكـ الابداع هذا

[خلف العايضي]

نادر بن مساعد

صح السانك وفالك البيرق يابن مساعد

[عواض بن بهلان]

الشاااااعر العذب نادر بن مساعد


صح لسانك

[ولــد خــلف]

يوم جفن الموارد وامحلن من عذب ماهـا...والله انك ماوردت الا على عـدن رويـه


هلا والله غلا بالنــــادر

لاهنت وانت في غنى عن المليون وغيره


طويق راسي يا النادر صح لسانــكـ مدد بلا عدد


بس بنتقدكـ واقول ان البيت اعلاه مفروض تكون كلمه عـــدن جمــع يعني بدل عدن تكون عدودن


وانا ترى امازحكـ لاني متأكد انها غلطه كيبورديه طال عمــركـ ،


تقبـــــــــــل

جـــــــل محبتــي

[سعد بن عادي]

صح لسانك وبيض الله وجهك

ودمتم كما تحبون

[مرزوق العجوني]

صح لسانك يانادر ولا هنت على الرائعه وتقبل مروري