[احساس الشمال]

حايل لفاك الجرح من سبة إهمال
وجده حرقها ناس تجفى الأمانه
ارواحكم ي اخوات اسى شلت الحال
فقدتها بإسباب انفس جبانه
خانتني العبرات يوم الخبر جال
بإرض الجنوب ووضحو هالخيانه
مسؤؤل ماهزتك دمعات رجال
ودع بناته وقال عندك أمانه
في ذمة المسؤول يرضيه هالحال
نجلا تموت وصوتها اطلق عنانه
وطوق النجاه بيومها اختفى زال
وين الرجال اللي تعرف الشهامه
تحضن اميره وتستر اللي ورا الشال
وتنعى الشمال وتعتزي في تهامه
منال ابوك اليوم ضاقت به احوال
واخوك به دمعات تحت اللثامه
يستقبل إمعزين ويعزي إرجال
راحت ضحاياهم ورى هاللئامه
وداد تحضن ملزمة تحمل أمثال
واليوم صارت جرح صعب التئآمه
ربي يصبرها على هذي الأقوال
ويشفي لها وتقوم بس بالسلامه
أسما ماتت بس مامات الإهمال٠
يوم البنات الفجر خاوو ضلامه
يصحون لأجل العلم وتحقيق الأمال
ويرافقون الخوف مثل الحمامه
لاشافت إن الرزق تبعده الآجال
وتطير له وتشوف ركزت سهامه
واللي يخلي الحال اردى من الحال
صاحب بلاوينا مرزز عقاله
ودموعناصارت مثل سيل همال
يوم أنتصارتطيح بنت الزعامه
حنوالشمال تقول وينك من أعمال
تحكي زواياهارسوم الملامه
دفاترك بالدم تكتب هالأمثال
ياجعل روحك للجنان ونيعامه
فطوم بنت المملكه رمزالأجيال
جتهاالمنيه في الطريق بمنامه
وهذاالطريق اليوم يبكيه الأطلال
كن الصباح بشوفهم به وسامه
والا الجنوب تقول جايي لناالحال
دام الطريق يضم باص بجهامه
واللي يزودهاعناء وين الأرسال
يوم امهاتدق تبغاالسلامه
الهاتف المطلوب مغلق ولازال
عناضناك اليوم جافي صيامه
الله يصبرناعلى وعودتنقال
من راس مأمونن مضيع أمانه
أسف نبشت الجرح ونسفت الأقوال
وانساني الشيطان بعض أنسجامه
يارجال حايل البقا براسكم طال
بإذن الولي تفريج هم النشامه‎ ‎

الموضوع الأصلي: ش /أسى الحرمان،حايل لفاك الجرح من سبةإهمال"الحصريات | | الكاتب: احساس الشمال | | المصدر: شبكة بني عبس

[طفشت]

الله يرحمهن برحمته الواسعه

وقصيده 100%

[احساس الشمال]

شكرا لكل من مر هنااا

[حار الفكر]

الله يرحمهن
وصح السانك

[احساس الشمال]

شاكررره المرروووور

[سند الداموك]

الله يرحمهن

وصح لسان شاعرتنا

\\
يعطيك العافيه

[احساس الشمال]

شاكره مرور الجميع

[الزعيم..]

الله يرحمهن

وصح لسان شاعرتنا

\\
يعطيك العافيه