[المحترف العبسي]

زايد ابن عدله

سلام تسليمة السنّي على الشيعي=تسليم يبلش به البابا ومن حوله
يافايز العام لاتامر ولاتطيعي=واليوم كنك وزير النفط بالدوله

فايز العنزي
يامرحبابك وانا ابعطيك توقيعي=يوم ان بعض العرب بالوقت مجهوله
بالسوق لو تشتري ماتقدر تبيعي=تاجر ولكن تبي تفكير وسيوله

زايد ابن عدله
فيك البقاء وانت ماتحتاج تشجيعي=تقدم على الماقف الغصّاب وزحوله
يالغضوري لا تقول الزبد مايميعي= جاك الرشيدي يلاعب عنّة خيوله

فايز العنزي

ادلّك الدرب لكن لازم تضيعي=مانته بقادر تدل ادروب مدلوله
ياصاحبي تعرف انجازي وتوزيعي=اركد ترى كل فارس نعرف فعوله

زايد ابن عدله

انته شمالي تعرف اسرار تشريعي=وادروبك ادلها اجاملك واشوله
الاسم يابان والتيوان تجميعي=لاترفع ايديك وانت ايديك مشلوله

فايز العنزي
مبطي تحك الحديد تقول تصنيعي=لكن عينك يابن عدله بها حوله
دام الجزيره تجيب اخبار وتذيعي=حنا نجيب العلوم اليوم مدبوله

زايد ابن عدله
يالوايلي فيك عيا يفيد ترفيعي=لكن نور سوريا من الحرب مذهوله
نعرفك لو جيتنا في شكل تلميعي= اعصاب متوتره واعناق مغلوله

فايز العنزي
نقدر نطوعك بين الناس تطويعي=رح فك سودانكم به ناس معلوله
حنا اهل العز يوم اتضيع واتصيعي=والا انت ماحدً يبي لك ياولد خوله

الموضوع الأصلي: طاروق قوي بين الشاعر فايز العنزي والشاعر زايد ابن عدله | | الكاتب: المحترف العبسي | | المصدر: شبكة بني عبس

[شاعر أعلام]

محاورة ادنى من كلمة عادية .. بغض النظر عن السطحية .. وسماجة الاهداف ..


وأنت ياالداهية .. تبغانا بالقوة نقراها .. ياخي فيه قسم مخصص للمحاورات المنقوله .. حطوه على شان ننفك من وجع الراس . وانت لازم تغثنا في هذي المحاورة .. الرديه ..


من البيت الاول .. عرفت المضمووووووون

[عازف]

شعراء عاديين جدا

والله يرحم الشعر بوجود هؤلاء

[المحترف العبسي]

اقتباس من مشاركة شاعر أعلام محاورة ادنى من كلمة عادية .. بغض النظر عن السطحية .. وسماجة الاهداف .. وأنت ياالداهية .. تبغانا بالقوة نقراها .. ياخي فيه قسم مخصص للمحاورات المنقوله .. حطوه على شان ننفك من وجع الراس . وانت لازم تغثنا في هذي المحاورة .. الرديه .. من البيت الاول .. عرفت المضمووووووون

اخي شاعر اعلام عفواً شاعر افلام المنتدى او الشبكه ليست لك او لأبيك او لأحد اقاربك حتى تختص بها انت وزمرتك , الشبكه وضعت لأبناء وشعراء عبس جميعاً وليس حكرا على أحد ,
اما من ناحية تقييم الشعر والشعراء فأعتقد انك لست مؤهل للتقييم,,ولست انت من يوجهني لأقسام المنتدى واختصاصاته..
(مجرد تنبيه لك فقط)

[المحترف العبسي]

اقتباس من مشاركة عازف شعراء عاديين جدا والله يرحم الشعر بوجود هؤلاء

وجهة نظر يجب علينا احترامها

[صياف]

بغض النظر عن المستوا في جميع حالاته ولكن وضعها هنا خاطي فيه قسم مخصص للمحاورات المنقوله اتمنى من المشرفين نقلها للمكان الصحيح

[المحترف العبسي]

اقتباس من مشاركة صياف بغض النظر عن المستوا في جميع حالاته ولكن وضعها هنا خاطي فيه قسم مخصص للمحاورات المنقوله اتمنى من المشرفين نقلها للمكان الصحيح

مشكور على مرورك ياشاعر الخليج

[سعود العرعري]

اعطيتو الموضع اكبر من مستواه

هاذى محاوره نقض وفتل وكل ومجهوده