[السيف الصقيل]

هذه الابيات قالها فهد دخيل الله ناصر التميمي.. في الشيخ/عايض بن مهنابن اعرئجه الرويضي الرشيدي امير قرية افيعيه

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ


يافريح انا نطيـت روس المشاريـف
روس الجبـال اللـي هواهايشـافـي

روس الجبـال العاليـات المشانيـف
ياشافهـا التفـاق حـول وعـافـي

يربت بهـا صيـدن عليهالتواصيـف
يرعـا مـن الوسمـي ولاهويخافـي

في ساقـة الـي ياحتمـن المواقيـف
واركوا عليهن بالتفـق مـن خلافـي

سند بهن مع صوحن اقشر اليا شيـف
مالـه حـلا ياغيـر حر(ن)انصافـي

يافريح في راسـه ذكـرت المواقيـف
ذكـرت انـا يافريـح ماكـان خافـي

ذكرت انا عايـض زبـون التكاليـف
ابوسعـد زبـن الضعيـف المجافـي

مدهال من كثـرت عليـه الصواديـف
مدهال مـن كثـرن عليـه العجافـي

رجل(ن) خذا من ماضي الوقت تشريف
و علق على صدره وسـام الشرافـي

في راس عيطا يالرويضي عن الحيف
في راس مزموم (ن)طويل(ن)ونافـي

يمشون في ساقتـك قوم(ن)مواليـف
بنـي رشيـد مخضبيـن الرهـافـي

وانا سمعت من الرجاجيـل توصيـف
واوحيت بالاعيـان شـي(ن) يكافـي

اعدهـا مـن دون منـن ولازيــف
والله علـى ماقـول شاهـد وابافـي

في خوت الاجواد عز(ن) وبـه كيـف
عدك على جم(ن) قـراح(ن) وصافـي

والناس مايببغا من النـاس تلحيـف
لاوقـت جـوع و لاعلينـا خـلافـي

يومن ان مدات العرب بـه تساليـف
مداتنـا مـن مـد ربـي اجـزافـي

نفرح اليـا شفنـا النشامـا مناكيـف
علـى ضهـور مطوعاتـي الفيافـي

في دار من يرهـون بالدلـة الكيـف
بنـي تميـم (ن) محتميـن المقافـي

والجار مايغبن لنا الجـار والضيـف
يابـار فاالجيـران خبـل(ن) وهافـي

من دونـه الاعمـار جرد(ن)متاليـف
ياجدعـن البيـض سمـر الغـدافـي

وختامهـا ازكـى صلاة(ن)وتشريـف
عـداد مـن لبـى وكبـر وطـافـي

على شفيع النـاس فـي حزةالخيـف
محمـد المبعـوث جهـر وخـوافـي


ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ



فهد دخيل الله ناصر التميمي

الموضوع الأصلي: ابيات فهد التميمي بشيخ الرويضات عايض بن مهناء | | الكاتب: السيف الصقيل | | المصدر: شبكة بني عبس

[الزعيم..]

صح الساااان القااائل

ويستاااااهل الممدووووح

شكرااا على النقل