[الزعيم..]

لبى عروقك .. مد لي كف يمناك !
عجزت اغني للمقابيل نوحي !




ارقى على متن الصبر واتحراك
وارقب لقاك ولا تهاونت شوحي



اعيش حالة صمت من وقت مسراك
لين انكفى حزني على حلم ضوحي !



كم ليلة ٍ مرت وانا آقول بـ لقاك
لا شك حظي يا غرامي شحوحي



اروي المشاعر كل ما حل طرياك
ويجتاحني للوصل شوق ٍ جموحي



اكتبك في صفحة غرامي ولا امحاك
وابني على لاماك قمة صروحي !



لولاك ما كان الاسى فيَ لولاك !
ولولاك .. ما طابت من العيش روحي !



يردني قلبي .. ليا جيت ابنساك !!
وشلون بنسى؟ وانت غاية طموحي



قلب ٍ على ضيم المشاريه يفداك
فيـما بقى والحب ينبيه بوحي !



يبست عروق الحب لجل اكسب رضاك
وطير السهر في عالم الهم يلوحي



اسهر على جال العنا واتمناك !!
واهل دمع ٍ من بعادك سفوحي



حالي تسر اعداي وتفرح اعداك
لـنها تبين بي عظايم جروحي !!



ما ظنتي حالي من البعد تخفاك !
ما عادني فـ وجيه ربعي مزوحي



خل الذي يا منوة الروح يشناك !
يموت غيض ولا يحقق ربوحي



اقولها باحساس وشعور وادراك
من حيث ما تبدي شواهد وضوحي



ان كان درب الحب مفروش باشواك
فـ أنا مشيته والمشاعر تنوحي !

الموضوع الأصلي: لبى عروقك.. مد لى كف يمناااااك | | الكاتب: الزعيم.. | | المصدر: شبكة بني عبس

[غربة الروح !!]

اعيش حالة صمت من وقت مسراك
لين انكفى حزني على حلم ضوحي !






أبيااااات رووووعه لاهنت خيووو

تقبل مروووري

[الزعيم..]

مشكوووره خيتي

عذبه...

على المرووور ويعطيك العافيه

[آلفهد]

لله درك ياشيبوب عبس صح اللسانك
لاعدمناجديدك

[احمد منيف]

يردني قلبي .. ليا جيت ابنساك !! وشلون بنسى؟ وانت غاية طموحي

خل الذي يا منوة الروح يشناك ! يموت غيض ولا يحقق ربوحي

عز الله انها ع الجرح صح الله لســــانك ولسـان شاعرها مشكور يابعدي

[سحايب]

صح الســـان شاعرها
وسلمت يمناك على النقل
قصيده راااائعه

[بدر الوهيداني]

صح لسان شاعرها وتسلم يمين ناقلها