[احساس الشمال]

اهداءلوطني الغالي بمناسبة المهرجان السنوي للتراث



أليا دعتني.. ديرتي.. وين ماكون
بديت دعوتها....على كل بادي

قبل الوطن ينده عياله .. يلبون
حي الندا .. والله وحي المنادي

نفضت كل اللي بالأدراج مركون
حزني .. شقايه .. كبريائي عنادي

ونبشت حب في حناياي مخزون
ولقيت بيت عن هل الشعر غادي

كل حب أرادي من تهاون به يهون
إلا مدى حب الوطن لا إرادي

وش منوة الشعار يوم يتمنون ..؟؟
يكود فرصة من منبر غير عادي

يعني مثل هالمنبر اللي تشوفون
هذي هي القمة وغاية مرادي

بجنادرية موطني .. يشرق الكون
معلم حضاري .. عن حياة البوادي

موسم ثقافة ملتقى فكر .. وفنون
قامت تجيه .. الناس من كل وادي

ماجيت ابيكم في قصيدي تحيون
جيت ابرحب كل ضيف ببلادي

يامرحبا يصدح بها شعري لحون
من صوت ابو نوره لريشة عبادي

يامرحبا بلسان صادق وبعيون
آل القيم .. والمرجله .. والمبادي

آل السعود اللي على العز يمشون
خلفة معزي .. مخلفين .. المعادي

في ظل ابو متعب شف الشعب وشلون
أصغر مواطن .. في حياته يفادي

نوفي مثل مااجدادانا قبل يوفون
دون الوطن .. مافيه موقف حيادي

لو مااكون اللى ابي كيف ماكون
والا عسى ماكون حزة .. هدادي

ماغايتي بالشعر بيرق ومليون
ولاغايتي .. تصفيق بعض الايادي

ان قيل لي وش غتيتك قلت مفتون
مفتون في تمثيل راية بلادي

الموضوع الأصلي: أليا دعتني.. ديرتي.. وين ماكون | | الكاتب: احساس الشمال | | المصدر: شبكة بني عبس

[ساهر القمرا]

احساس الشمال

قصيده معبره

ورائعه

يعطيك ألف عافيه

وصح لسانك

مودتي

[سحايب]

صح الســان شاعرها
وسلمت يمناك
استمتعنا بمانقلتي
يعطيك العافيه

[احساس الشمال]

اقتباس من مشاركة ساهر القمرا احساس الشمال قصيده معبره ورائعه يعطيك ألف عافيه وصح لسانك مودتي

شاكره لك مرورك

[بنساك]

يعطيك العافيه

اختيار موفق


بأنتظار طلتك بكل ماهو جديد

[احساس الشمال]

اقتباس من مشاركة دمعه صح الســان شاعرها وسلمت يمناك استمتعنا بمانقلتي يعطيك العافيه

نورتي متصفحي يالغلا

[هــدوء]

طرح نااااااااايس .

[بندرأبن طريف المظيبري]

أليا دعتني.. ديرتي.. وين ماكون
بديت دعوتها....على كل بادي

فديت الذوق
قصيدة وطنية تحمل جميع الولاء والعهد والتوحيد والمجد ولأصالة
من نقل لبنت الأصل
أحييك أختي الغالية بنت العم أيه العبسية المخضرمة
أحييك علي هذه القصيدة الجمــيلة
تحياتي .. هرم عبس