[أحاسيس]

ضاق المكان وضاقت عيـون الأصحـاب
ماكنـت صاحبـهـم وهــذا مكـانـي !

اللي مـن أكبـر همّهـم طـرد الألقـاب
واللـي شريتـه بالوفـا مــا شـرانـي

الجرح يفـقـد هـيـبـته لا براا . وطاب
ومن طيب جرحي مـا نسانـي ثوانـي !!

اللي خسـر ناسـه بـلا ذنـب وأسبـاب
كلّـه لجـل يرضـي فــلان الفـلانـي

مثـل غـلا سعـدون لعقـاب وأحجـاب
أغليتهـم لـكـن صدمـنـي زمـانـي !

فـلان جـاب فـلان وفـلان مـا غـاب
وشلـون يجـلـس بالمـكـان الأنـانـي

المسأله ماهـي علـى كسـب الأعجـاب
المسـألـه شــي ٍ قريـتـه وقـرانـي

لـو حاجتـي بيديـن ربعـي والأقـراب
أمـوت مـا أطلبهـا لـو إنـي أعانـي !

اللي حسب لي حساب ؟ أحسب له حسـاب
أقولـهـا وانــا لسـانـي حـصـانـي

كنتـم قرابـه وصرتـوا اليـوم أجنـاب
ياكبرهـا وياثـقلـهـا فــي لسـانـي

سويتكـم بالقلـب صفحـات / بكـتـاب
وكل يوم أشق صفحه من اللي نسانـي !!


مما راق لي للشاعر //تركي عواد

الموضوع الأصلي: لـو حاجتـي بيديـن ربعـي والأقـراب أمـوت مـا أطلبهـا لـو إنـي أعانـي ! | | الكاتب: أحاسيس | | المصدر: شبكة بني عبس

[مذكر الرشيدي]

رآئعه جدآ ..

يسلم لنا ذووقك ..

:

[غرام البرازي]

راااائعه .. طاب منقولك لا عدمناك ..


تقبل مروري و ودي ..

[أحاسيس]

اقتباس من مشاركة مذكر العايضي رآئعه جدآ .. يسلم لنا ذووقك .. :

مرورك الاروع اخوي مذكر

[أحاسيس]

اقتباس من مشاركة غرام البرازي راااائعه .. طاب منقولك لا عدمناك .. تقبل مروري و ودي ..

يسعدني مرورك غرام

[رسام الغروب]

صح السانك مشكوووووور والله يعطيك الف عافيه على النقل الرائع

[أحاسيس]

يسعدني مرورك

[طلال ابن مصلاب]

لله لله قصيدة اكثر من رائعه تحكي قصة المعاناة وقصة التجربه القاسيه التي كان عنوانها المعروف والأنكار خصوصا في هذا الزمان بالأضافه الى الأحاسيس التي تنقل هذا كله ...صح ألسان شاعرها وناقلها صاحب الذوق الرفيع...