[ذيبان الرشيدي]

بسم الله الرحمن الرحيم

السلام عليكم ورحمة الله وبركاته

وأسعد الله
أوقاتكُم بالخير واليُمنِ والمسره

قصيدة
نظمتُها بِمُناسبة
مقدم
خادم الحرمين الشريفين
ونجاح رحلته العلاجيه في الخارج

وأعتذر
عن
التأخر في طرحها .. والإستعجال في نظمها

لا إطالة
إليكُم مانظمت ..

ماهي غزل .. والا مفارق مواليف = والا جفولٍ .. غربلتني معاها
والا على المقفي .. دموع وتحاسيف= والا غرابيلٍ .. كفـى الله وذاهـا
ياهاجسي .. مالك ومال السواليف =سرح مغاتيرك .. وبَّين مداها
فتح .. صناديق الشعر والمظاريف = وأظهر .. هجوسٍ بيَّن الله خفاها
وانصا الذي .. ماطربقته الملاقيـف = ولد الرجال .. اللي تعز قصراهـا
شوق .. القلوب الطيبه والمراهيف = سم الكبود .. اللي تزايد غثاها
ذيبٍ .. تهادى منزله بالمشاريف = ذيبٍ .. ليا ناش الطريـده كلاهـا
له فزعةٍ .. عند أشتداد المواقيف =يطرب لها الساري .. ويرقب سناها
عبدالله .. اللي ماحسب للتكاليف = واللي .. نواوير الضماير سقاها
من عقبه .. الديره هبوب ومعاصيف = حتى .. بهيم الليل عقبه غشاها
ماعادلي .. فيها ربوع ومواليف = عندي .. تخالط صبحها مع دجاها
واليوم .. هلتله برأسي تواليف = وأزدانت .. العين الشقيه كراها
عل .. الليال المقبله والتصاريف = تروي لنا الجمه .. وترهي عشاها
ويعيذه الله .. بالليال الصواديف = شر .. الظروف القاسيه مع بلاها
وتم الكلام .. اللي بنيته على إيف = شطراً على أيفٍ .. وشطراً على اها

دمتم
بخيراً وعافيه

الموضوع الأصلي: ماهي غزل والا مفارق مواليف .. رسالة لـ الملك عبدالله ..! | | الكاتب: ذيبان الرشيدي | | المصدر: شبكة بني عبس

[راسبه بالحب]

يعطيك العافيه


صح السانك لاهنت ع الابيات الرائعه


لاعدمنا جديدك

[سحايب]

صح الســـــــــانك وبيض الله وجهك
قصيده جزله يستاهل ابومتعب

[الهنوف]

شاعرنا .. ذيبان

صح لسانك
عودة رائعة
ويستاااهل أبو متعب الله يحفظه .

وبالتوفيق
.
.
.

[أمـ الشوق ـير]

صح لسآنك فهد وإعتلاء قدرك و شآنك


يستأهل أبو متعب

لاهنت

[ذيبان الرشيدي]

راسبه بالحب

يسعدلي مساج أختي الكريمه
أشكرلكي
هذا المرور الفخم والعذب

[شهاليل]

شاعر الجزاله والأبداع .,’
ذيبـــــان .,’
صح الله لساانك .,
قصيده فآخره جداً .,’
ومازادها فخر الا كونها بأبو الجميع أبو متعب ,’
صح لساااااااانك لين ترضى ,’

[احمد منيف]

صح الله لسانك اخوي واول اربع ابيات عن قصيدة كامله تستاهل الخمس نجوم