[محمد العجمي]

السلام عليكم أعضاء المنتدى الرائع أتمنى أن تتقبلوا هذه الجديدة وان تنال رضاكم


إتروح نفسي ولا إنسان يحرجها


أحيه مــن نار وسـط القلـب وهاجــه
لا قلت هدت تزايد من توهجها

علــى عشيـر ٍ تغيــر فيــه منهاجــه
والنفس ملـت مــن حجج تحججها

أصبر على شين طبعه راجي إفراجه
وأقــول يالله تعدلهـا وتفرجـها

وإن كان طول على ممشاه وإعواجه
والله إن يبطي ورجلي ما أدرجها

لأ أنساه وأنسى غرام كان وإحراجه
والنفس غيـره بتلقـى من يهرجها

لا يحسب إني عليه أموت وأحتاجه
إتروح نفسـي ولا إنسـان يحرجـها

رحله وعطه الخبر مضبوط وإخراجه
لا ينقص بحرف وإحذر لا تأججها

قلـّه محمد على ما ضيه ما ماجـــه
والنـار ما ينفعـــه زايــد توهجهــا




أخــــــوكم / محمد العجمي

الموضوع الأصلي: تروح نفسي ولا إنسان يحرجها | | الكاتب: محمد العجمي | | المصدر: شبكة بني عبس

[ابراهيم العقل]

لا يحسب إني عليه أموت وأحتاجه
إتروح نفسـي ولا إنسـان يحرجـها



الله يعطيك العافيه

[سعد الشقل]

صح اللسانك يالعجمي

ولاتحرمنا من جديدكـ

[ياسر العرعري]

..

وإن كان طول على ممشاه وإعواجه = والله إن يبطي ورجلي ما أدرجها

الله عليك أخوي محمد العجمي .. قصيده جزله ومحبوكه .. وقاف رائع "

صح لسانك مدد بلا عدد


أخوك
..

[أبو فايز العويمري]

الاخ محمد العجمي صح السانك وقصيده رائعه

[عبدالعزيز الخياري]

الله الله يالعجمي قصيدة رائعه صح الله لسانك مليون ومايكفون
ولاتحرمنا من جديدك
وحياك الله في شبكة عبس ضيف عزيز
وابن قبيله عزيزه نكن لها كل احترام وتقدير

تقبل تحياتي

[عبدالرحمن العويمري]

مرحبا فيك اخوي محمد حياك الله ومرحبا مليون
وقصيدة في منتهى الروعه والجمال
اتمنى الا تحرمن من كل ماهو جديد لديك
احترامي وتقديري

عبدالرحمن الرشيدي

[مرزوق العجوني]

صح لسانك اخوي محمد ولا هنت وتقبل مروري