[النمر1012]

تعبـنـا وتعّبـنـا اكـثـر الـوقـت بالتفكـيـر نـــداري هـواجـيـسٍ كـبــار ٍ مطالـبـهـا

نسخّر بنات الفكـر فـي خدمـة التصويـر والــى كـبـرت الـقـالات قمـنـا بواجبـهـا

ونسـرج خَـيـال ٍ مابـعـد خـانـه التعبـيـر ينـومـس رياجـيـل ٍطـــوال ٍ شـواربـهـا

واذا ابطت ماجات الكلمه اللي لها تاثيـر نـلـوم القـريـحـه والمـشـاعـر نعاتـبـهـا

لوانّا بعـض الاحيـان تستخـدم التشفيـر علـى شـان مايدريبـهـا غـيـر صاحبـهـا

وغلطنا وحاسبنا الليالي علـى التقصيـر وسـود الليـالـي تتـعـب الـلـي يحاسبـهـا

نحسب الليالي غيـر واثـر الليالـي غيـر وضــاع الحـسـاب ونكّلـتـنـا مصايـبـهـا

مع الوقت ابو نفس ٍ عزيزه وقلب بعير وقـــوم ٍ يصاحـبـهـا وقـــوم ٍ يحـاربـهـا

غدينا من اللي صار واللي بعـد بيصيـر ضـحـايـا عـقــول ٍ مـاقـدرنـا نخاطـبـهـا

لـو انهـا حلـوم ٍ مايحصّـل لـهـا تفسـيـر ولاضــــاع مـخـطـيـهـا ودلّ صـايـبـهــا

على الهون يانفس ٍ رضاها بمـد شعيـر وهـي مــن زعلـهـا مابـعـد لان جانبـهـا

ترى العاقل اللي لانسى مايبـي تذكيـر!! يـــدوّر لـنـفـسـه لاذكــــر ماينـاسـبـهـا

لو ان الفخر نقش ٍ يزيّـن جنـاح الطيـر لقينـا الـحـرار نـقـوش حـتـى مخالبـهـا

وحنّـا لـيـا مـنّـا تركـنـا الامــور تسـيـر فـلاحــد ٍ مـوديـهـا ولاحـــد ٍ بجـايـبـهـا

لاكـنّـا لـيـا مـنّـا بغيـنـا العـقـول تـحـيـر حضرنـا !! وحاضرهـا مايمهـل بغايبهـا

نقول الصحيح اللي مايحتاج دهن السير ولـوّ اكـثـر العـربـان مـاهـوب عاجبـهـا

بعزم ٍ ماهو بشوي وهم ٍ ماهـو بصغيـر وطينـا علـى حيّـات الارض وعقاربـهـا

فـخـرنـا فـخـرنـا مـاورثـنـاه بالـتـزّويـر لنـا فـي مشـارق الارض والاّ مغاربـهـا

نخاوي وخوّتنـا علـى الطيـب والتقديـر ولانرخـص سـلـوم الـرجـال ومذاهبـهـا

والى بان من خافي نوايا العـرب تغييـر ماضاقـت علينـا اللـي وسـاع ٍ مناكبـهـا

وكـل ٍ علـى الدنيـا يسـج القـدم ويسيـر هـذا حـاش موجبهـا وذا حـاش سالبـهـا

ومن قال في الدنيا (ترى ماوراها خير) فانا اشهـد شهـادة صـادق انّـه مجرّبهـا

الموضوع الأصلي: نقول الصحيح اللي مايحتاج دهن السير ولـوّ اكـثـر العـربـان مـاهـوب عاجبـهـا | | الكاتب: النمر1012 | | المصدر: شبكة بني عبس

[هلوسه]

أبيات رائعه جداا سا أقراها كثيرر
صح السان شاعرها
شكرا على الطرح ..

[رسام الغروب]

صح السانك
النمر على القصيدة وتحياتي لك
lvpfh

[النمر1012]

اقتباس من مشاركة معمعة جنون أبيات رائعه جداا سا أقراها كثيرر صح السان شاعرها شكرا على الطرح ..

صح بدنك والله يسلمك وعافيك ومشكور على المرور
وروعه مرورك

[النمر1012]

اقتباس من مشاركة رسام الغروب صح السانك النمر على القصيدة وتحياتي لك lvpfh

صح بدنك رسام الغروب وقصيده منقوله طبع
بس عاد ماقدر اسجل منقوله لان خاصيه تعديل
فيه ناسن تشيله وترجعها مني هنا مشكور على المرور

[سحايب]

الله عليك متميز وراقي مايختارحسك
صح الســـــــــان شاعرها
وسلمت يمناك على هالشامخه
دئما جديدك متميز وحضور نجم
يعطيك العافيه ولاهنت

[النمر1012]

لاهنتي يادمعه وصح بدنكم والله يسلمكم
والله يعافيكم ومشكورين على المرورررررررررررر

[النمر1012]

صح اللسانكم جميع ومشكورين على المرور