[أنكسارحلم]

السلام عليكم ورحمة الله وبركاته

اخواني رواد هذا الصرح الشامخ , وزواره الكرام .

يسعدني ان اقدم بين انظاركم بعض من مقتطفات المحاوره التي جرت بالمدينة المنورة
في حفلة رجل الاعمال الشيخ عايض عواد الرشيدي .بمناسبة زواج ابنه الشاب بندر وذلك يوم الخميس الموافق 2/11/1427هـ
في قصر ذكرى للاحتفالات .
والتي كان فرسانها شعراء المحاوره المعروفين الشاعر الكبير ( رشيد ابن معدي ) , والشاعر الكبير ( عبدالله الأشرم ) ,
والشاعر الكبير ( سالم معزي ) , والشاعر الكبير (رشيد الزلامي ) , والشاعر الكبير ( محمد ابن طمحي )..والشاعر ( محمد المطيري )..
وكان لشعراء عبس الدور الكبير في فن الإبداع والنقض والفتل في وسط جماهير غفيره
تتزاحم في استطلاع مايدور في ساحة المواجهة بين عمالقة المحاوره
ويبدون التشجيع والتصفيق الحار على هولة الإبداع وفن الطواريق التي تسامر
نجوم الليل بألحانها العذبة ..

وإليكم بعضاً من المقتطفات للمحاوره .. وكانت البدايه عند شاعرنا الكبير عبدالله الاشرم

حيث قال عبدالله الاشرم:-

هلا يامرحبا بضيوفنا والشعر فن وذوق=وضيوف الله في هجرة رسول الله واصحابه
تراها مالها عن هامتك يازعيم برقا وروق=وانا طلاب حق ان كان تعطي الحق طلابه

قال رشيد الزلامي :-

يدوم ألك البقا يالتاجر اللي ماتغش السوق=وانا ضيفٍ ليا جيتك دخلت البيت مع بابه
ياعبدالله عليك حقوق للاصحاب ولك حقوق=وراع الحق بسلوم العرب ماهو بمشعابه

قال الاشرم :-

علامك يوم تسس مدرسه مثل الملك فاروق=وتعدتك الاخيره وانت الاول شاعر عتابه
ترا اللي له ذهب في وسط بيته من ذهب مسروق=اليا دقوا جرس بيته وقف مايملك اعصابه

ثم غير الطاروق الشاعر الكبير رشيد الزلامي وطلب الشاعر سالم معزي (سيف عبس )..

قال رشيد الزلامي :-

سلام رده تفرع الهوشات والدنيا بخير=والهوشه اللي مالها فراع يقطر دمها
اشوف سالم محتزم لاكان مدري وش يصير=بيني وبينه علم لاكان انت ابوها وسمها

قال سالم معزي :-

يامرحبا ياللي تسلم والنظر ماهو قصير=والمشكله عدت بخير ولانقلنا همها
اليا احتزم سالم يحط الحمل في ظهر البعير=والحيه ام السم يقتلها ويقتل سمها

ثم بدأ الشاعر عبدالله الاشرم في طاروق رباعي :-

وقال عبدالله الاشرم :-

الزلامي جرته مر العجاج ولادفنها=نوب يغزي مع مطير ونوب يغزي مع عتيبه

ثم قال ابن طمحي :-

كثرت الالقاب ياسالم واظن اعطوك منها=لقبوك بسيف عبس وصاربك شكٍ وريبه

ثم قال الزلامي :-

الزلامي جرته بيضاء ولاتشكون منها=والرشيدي صاحبي لاكان مدري ويش ابيبه

ثم قال سالم معزي :-

والله اني قدها والناس تاكل من صحنها=ومن يشك يشك لين يموت سالم مادريبه

ثم قال عبدالله الاشرم:-

الجنازة كفنوها في كفن ماهو كفنها=وفيه قبر من القبور الطارفه ماله نصيبه

ثم قال ابن طمحي:-

الهنود الحمر ماتظلم وهي داخل وطنها=لو نحاربهم ولو جبنا كتيبه مع كتيبه

قال الزلامي :-

.................................................. .................................................. ........

قال سالم معزي :-

الهنود الحمر مايخالط ضعنا مع ضعنها=سوقهم مانبيع فيه وسوقهم مانشتريبه

ثم غير الطاروق الشاعر الكبير رشيد ابن معدي الرشيدي
وطلب الشاعر الكبير محمد ابن طمحي ولكن لم يحضرني ماقاله وان شاء الله عن قريب
سوف اقوم بالبحث عن المحاوره وانزلها كامله في هذا المنتدى .

مع العلم ان شاعرنا رشيد ابن معدي لعب طاروق ناري يشكر عليه ويثنى له الشكر مع الشاعر
رشيد الزلامي واتمنى من الاخوان الذين يعرفون عن هذه المحاوره تزويدنا في بعضاً منها.


تحياتي للجميع ..

الموضوع الأصلي: شعراء بني رشيد في المدينة المنورة | | الكاتب: أنكسارحلم | | المصدر: شبكة بني عبس

[النابغه]

مشكور علي نقل المحاوره
التي كانت من اجمل المحاورات

[الاجهر]

قال الزلامي :-


.................................................. .................................................. ........


قال سالم معزي :-

مشكور الاخ / ناصر
استفسار بسيط
لماذا بيت ازلامي محذوف
السوآل من اخوياي العتبان الى جالسين عندي لآن
مشكور

[الرمح]

الله يعطيك العااااااااااااااااااااااااااافيه ياناصرالشويلعي على هذا النقل الجميل

شعااااااااااااااار رائعيييييييييييييييين الى الامااااااااااااااااااااااااااااااااااااام

[أنكسارحلم]

الاخ الاجهر اشكرك جزيل الشكر على هذه الملاحظه

ومرورك العطر..اما بنسبه لبيت الزلامي لم يحفظه من اعطاني المعلومات

حيث انه كلمني مكالمه هاتفيه واعطاني موجز مختصر

ولكن ان شاء الله نبحث عن المحاوره ونقوم بتنزيلها كامله


تحياتي

[أنكسارحلم]

النابغه

اشكرك جزيل الشكر ..على مرورك العطر



تحياتي

[ابوصالح]

مشكور علي نقل المحاوره
يابوخالد
شكراً لك اخي الكريم

[بدر الحشية]

الف شكر لك يا اخ ناصر على نقل المحاورة
لاهنت