[الملتهب]

بدري تروح وتاخذ القلب وياك = ماامداه يقعد في مكانه شويه
دامك خذيت القلب والروح تتلاك = وش فايدة جسمٍ تمرد عليه
ياسعد عيني يوم شوفك ولقياك = كني على حد القمر والثريه
ولا على عرشٍ مليكه تمناك = يسوق ثرواته عليكم هديه
لا والذي كمل جمالك وسواك = مالقى مثل طعم الشفايف بنيه
اي والله اني ذايبٍ في حلااياك = مثل البرد لاطاح في نار حيه
ياجامع الثنتين مااحلى مزاياك = اصل وجمال وكلبوهم اهنيه
و تلومني لاقلتلك همي رضاك = ترا الزعل من ناحيتكم قويه
يامحلا قربك وياشين فرقاك = محظوظ من هو لاازمك ياهنيه
واخر قصيدي جعل من خان يفداك = وتفداك من هي بالمحبه رديه
واخذ الكلام وزايف الهرج ماجاك = ماانساك لو ينسى الرشيدي خويه

مما راق لي

الموضوع الأصلي: ما انساك لو ينسى الرشيدي خوية .. !! | | الكاتب: الملتهب | | المصدر: شبكة بني عبس

[سحايب]

صح الســـــــــــــــــــــــــــــان شاعرها
وسلمت اناملك على النقل
قصيده رائعه وكلمات اجبرتنا
على الوقوف والاستمتاع بماتحمل
من معاني جميله
لاهنت

[برستيجي شموخي]

منســــــــــــــــــــــــاك لو ينسى
تسلم ع النقل

[نايف ابن خبيرى]

الملتهب، والله العظيم ان النك الي انت حاط مهايطة ، ومع الجناب ياطيب الفزعة

[نايف ابن خبيرى]

السلام عليكم ورحمة الله وبركاته
يابني عبس فيه احد من الرشايدة مشارك في مزاين ام رقيبة

[رسام الغروب]

صح السانك مشكوووووور والله يعطيك الف عافيه

[الملتهب]

يا نايف ابن خبيري

انت تعاني من مرض او خلل

او تحمل حقد على بني عبس

وش دخل النك وش دخل مزاين ام رقيبة بالرشايدة

وهذا موضوع قصيدة وقسم للشعر والأدب

واشوف ان القصيدة اثرت فيك وخلتك تنزل ردين بالموضوع

واتوقع البيت اللي جابك عن طريق قوقل هو ( ماانساك لو ينسى الرشيدي خوية )

مأثرين فيك الرشايدة حيييييل

وصاير باحث خاص باامورهم

لا ابشرك منت بلاقي ردى فيهم ابحث بقوقل على كيفك

تحياتي لجميع ابناء العم اللي قاموا بالرد

[محمد الراشد]

قصيده رائعه يالملتهب