[زايد بن عدله]

الشاعر ناصر بن مرسال شاعر علم لايخفى على الجميع شاعريته الفذه
والحقيقه انه خبر عدم ايجازة ناصر المرسال بمسابقة شاعر المعني بسبب خلاف قديم بينه وبين احد اعضاء اللجنه لهو فشل ذريع لهذا البرنامج ويعتبر انتكاسه للبرنامج ويحدث الكثير من علامات التعجب والاستفهامحول ملابسات الوضع

ومن هذا المنطلق نظمت ابيات تعبر عن نفسها00

يقولون جمهوري سمعنا العرب يطرون=ولابه خبر موثوق ياصل مسامعنا
يقولون ابن عدله دخل شاعر المليون=وهذي السنه قدّم على شاعر المعنى
ولكن ماحصل من اللي يريده لون=صحيح الخبر والا بالاخبار سمّعنا
وانا اقول ياجمهور عفواً ماني مجنون=ولا خير فينا كان هذي مطامعنا
الاول طعنا بخنجر البوق خمس اطعون=لأجل مصلحة غيره تبنّى مرابعنا
والاخر فضيحه كيف ندخل معه وشلون=مثل من دخل في سوق خارج طبايعنا
عن امتابعه خيّرت ابى اتابع اسبستون=مادام ان ابو لغبوب كثّر مواجعنا
على شان ابن مرسال سمّه لهم مدفون=يبينا نطيع بشيخنا مير ماطعنا
يقول ان ابن مرسال شعره ماهو مضمون = اجل مابقى شعار تلعب على معنى
اليا طاح ضلع طويق يهتز نصف الكون=وانا اظنه اهتز اسنتين وتجرّعنا
ولكن جرّ الصوت واشرب من الغليون=لو انك يابن مرسال بالحادثه مِعنا

الموضوع الأصلي: على شان ابن مرسال سمه لهم مدفون=يبينا نطيع بشيخنا مير ماطعنا | | الكاتب: زايد بن عدله | | المصدر: شبكة بني عبس

[(فارس الرشيدي)]

الشاعر زايد بن عدله

صح لسانك

وانت شيخ ولد شيخ من شيوخ بني عبس

ولايستغرب على مثلك هذا الموقف

بيض الله وجهك

[سعد عبدالله]

الشاعر ناصر مرسال
شاعر .. متألق ..وحاظر بقوه الشعر والمعنى ..من قبل هذه الأحداث
ومسابقه مثل مسابقة شاعر المعنى ...ليست محطة وقوف ..
بل انها محطة عبور للمثل شاعرية ناصر مرسال ...
وكلام هذا ايضاً ينطبق عليك كشاعر مبدع ومتألق ..بالجزاله الشعريه
...الشاعر زايد بن عدله
عدلت بما نريد ان يعدل به
الف شكر لك ولسمو حرفك
دمت بحفظ الرحمن.

[سيف المهيمزي]

زايد بن عدله صح لسانك على هذه القصيده وعلى هذه المشاعر الطيبه ولك مني بياض الوجه

[الغريب*]

كفو والله

بيض الله وجهك يابن عدله

علي هذه الابيات الجزله والاكثر من رائعه

ويستاهل ابن مرسال

صح لسانك ولاهنت

كفيــــــت وفيـــــــــت

بارك الله فيــــك

[البعيد الهادي]

صح السان يابن عدله
والشاعر ناصر
يستاهل الفزعه والانصاف
مبدع يابن عدله

[(ابوعواض)]

صح لسانك ياشاعر العوامره

قصيده جزله من شاعر حزل

لاهنت والله

[منصور العجوني]

الشاعر زايد ابن عدله انت شاعر راعي نخوه وفزعه ولاهي غريبه من شيخ ولد شيخ

قصيدة تستحق الاعجاب وابووليد يستاهل

تقبل اجمل تحيه ياشاعرنا