[مبارك نافع]

بسم الله الرحمن الرحيم

السلام عليكم ورحمة الله وبركاته

بعد غياب اصافحكم بهذي الأبيات

عسى إن تحوز على رضاكم

البارحة سهران لين انتحى الليل=افتش أوراق الغرام القديمة
أحن وأرقب نجمة الجدي وسهيل=وأشبر جروحي واعتزي بالعزيمة
وإن دق هوجاس الضلوع المناحيل=طالعت قلبي وش يقول لصميمه
سر ياقلم مافيه حيلة ولاحيل=اشبع ترى شعري نحرته وليمة
كله على شان الغلا شمعة الجيل =فديتها عن ماسواها عظيمة
أم العيون الناعسات المضاليل=الليل منهن يستمد تعتيمه
صوت وجسم مايحدده كل تفصيل =وزوداً على هذا وقار وحشيمة
مكمّلة تحشم عن النقص والميل=عن مايشوّبها نزيهة سليمة
ريحانةٍ تشرب على شاطي النيل=لاذعذع الغربي تلاعب نسيمه
ابختصر ماينفع الحط والشيل=هضم الحقوق أول بنود الظليمة
جمالها مايحدده كل تفصيل=نعم عظيمة والمزايا عظيمة

الموضوع الأصلي: جمالها مايحدده كل تفصيل && نعم عظيمة والمزايا عظيمة | | الكاتب: مبارك نافع | | المصدر: شبكة بني عبس

[زهرة البنفسج]

روووعه صح لساانك وعلا شانك ..

اسعدتني كثيرررر

اشكركـ

[مقدام النت]

صح لسانك اخوي مبارك

فصيدة رائعة وجزله بارك الله بك

سلمت اناملك وننتظر منك المزيد

تقبل مرور اخوك

مقدام النت

[السيف القاطع]

صح السانك او علا شانك
قصيده رايعه يا مبارك نافع تقبل تحياتي

[كاتب الرشيدي]

وإن دق هوجاس الضلوع المناحيلطالعت قلبي وش يقول لصميمـه

سر ياقلم مافيـه حيلـة ولاحيـلاشبع ترى شعري نحرتـه وليمـة

من طووول الغيبات جاب الغنائم

وشاعرنا مبارك امتعنا بهذه الرائعه

صح لسانك

[أثير الشوق]

قصيه جميله صح لسانك

[برق الوسم]

ريحانةٍ تشرب على شاطي النيـللاذعذع الغربي تلاعـب نسيمـه

صح لسانك يامبارك نافع

قصيده جميله .. لاهنت

[المداوي]

صح لسانك على القصيده
الرائعه
ومشكوررررر؟؟؟