[محمد بن نفوع النامي]

الطيــــــــــر


يتوق قلبي كلمـا شفتلـي طيـر
سبحان رباااا بالجناحيـن بـره
ياليتلي مثلـه جناحيـن واطيـر
أزبن سماه أن ضاق بي يوم بره
أبغي ليا صفت همومي طوابيـر
وقامت هواجيس الشقاوي تفـره
وأحتارت الاقدام ماتقبـل السيـر
ولاعادلي فى الارض مقعد وقره
كفخت اباري للسحاب المزابيـر
اللي غشين الوسم منهـا تثـره
أسبح بجواا ماوطـوه المداويـر
جو الفضاء اللي مالقي فيه جـره
خل الثراء للي عيونـه مطاييـر
اللي غداء لحطام دنيـاه صـره
فى الطيب وعلوم النشاما معيثير
والاالردى والهون عنـده مقـره
رفقة ضعيف النفس للعمر تقصير
لوهو رفيقك ماورى اللاش سره
والوقت ذا كلاااا غدا شيخ وآمير
وقتاااتساوى فى بـراده وحـره
يالله دخيلك مابقى فى الزمن خير
عزي لمن يرجى الليالى تسـره
الدائـم الله والليالـي مدابـيـر
ومصيرنـا واحـد ولازم نمـره
الله يكافينـا صـروف المقاديـر
عفوك وحل بيني وبين المضـره
في موقفااا مااحداايقـدم معاذيـر
يبيـن ماسويـت لـوكـان ذره

الموضوع الأصلي: قصيدة الطير | | الكاتب: محمد بن نفوع النامي | | المصدر: شبكة بني عبس

[مبارك الشويلع]

صح الله لسانك يابن نفوع ولاهنت

ننتظر المزيد من الابدااع

[راعي البلها]

صح لسانك ولاهنت اخوي صباح بن نفوع النامي

[الجـــــادل]

صح لسانك ولاهنت اخوي صباح بن نفوع النامي

تقبل تحيتي

أختك الجادل

[محمد بن نفوع النامي]

شكرأ للجميع وبشرو بكل ماتحبونه الصالح منتدانأ

[عيد بن عبيد]