[المميز]

افتح شبابيك الهوى جيتك اليوم ======== بحساس من زود الوله عده ايطير

جيتك مثل طفلن له ايام محروم======== عن حضن امه بعدته المقادير

وجيتك مثل عودن له ايام مهموم======= وده يلاقي باخر الوقت تقدير

وجيتك حضن عاشق وهايم ومغروم===== وده يضمك لين تصبح على خير

متى تحس ان الهوى شي مقسوم===== من قسمة الخالق على خلقه يصير

ومتى تحس اني لك اطيح واقوم==== واتعب على شانك واقدرك وآغير

لي في هواك احلام وامال وعلوم==== واحزاب واصحاب وقصيد وجماهير

وهموم وافكار وهواجيس وحلوم ==== وادروب واخطار وعذاب ومشاوير

وحب وغلا واخلاص ومعاند ولوم ===== واحساس واللهام وشعور وتفاكير

وصحبة سهر ومقاطعة لذة النوم==== واشواق جياشه وعشق وتعابير

في ذمتك مابان لك شي مكتوم ===== من بعد ماصورت الاوضاع تصوير

لاتحسب انك شي عابر ومعدوم ==== وتاريخ حبك فاق كل الاساطير

كني لقيتك بأغنيه لأم كلثوم ===== وكني قريتك في رواية شكسبير

في كل شي اتخيلك واسمعك دوم==== واتأملك في الوقت الأول ولآخير

من ماضي الأيام لايومك اليوم ==== وغلاك عندي ماحصل فيه تغيير

وانا لك الله مأقبل البيع والسوم ==== ولا ارضى علي ولاعليك المخاسير

لاْني الوحيد اللي على بحرك يعوم === واللي عرف مرساه في رحلة السير

لحظه حبيبي قبل يسبقني النوم ==== بضم صدرك لين تصبح على خير

الموضوع الأصلي: ][*^(بضم صدرك لين تصبح على خير)^*][ | | الكاتب: المميز | | المصدر: شبكة بني عبس

[(*العرعري*)]

لحظه حبيبي قبل يسبقني النوم ==== بضم صدرك لين تصبح على خير

صح لسان شاعرها
ولاهنت يالمميز على النقل المميز

[قلبي إماراتي]

في هواك احلام وامال وعلوم==== واحزاب واصحاب وقصيد وجماهير

وهموم وافكار وهواجيس وحلوم ==== وادروب واخطار وعذاب ومشاوير


وحب وغلا واخلاص ومعاند ولوم ===== واحساس واللهام وشعور وتفاكير


وصحبة سهر ومقاطعة لذة النوم==== واشواق جياشه وعشق وتعابير

المميز شكرا على الذوق الرائع

[محمد الراشد]

فعلا انت مميز
حتى لون سيارتك الهمر مميز

[لحظة هدوء]

الله الله عليك
بجد رآأإئعه
صح لسآأإنك ونقل مميز كتميزك لاهنت يالغلا

[المميز]

اقتباس من مشاركة (*العرعري*) لحظه حبيبي قبل يسبقني النوم ==== بضم صدرك لين تصبح على خير صح لسان شاعرها ولاهنت يالمميز على النقل المميز

صح بدنك
ماتهون يالعرعري
وشكرآ على مرورك

[المميز]

اقتباس من مشاركة قلبي إماراتي في هواك احلام وامال وعلوم==== واحزاب واصحاب وقصيد وجماهير وهموم وافكار وهواجيس وحلوم ==== وادروب واخطار وعذاب ومشاوير وحب وغلا واخلاص ومعاند ولوم ===== واحساس واللهام وشعور وتفاكير وصحبة سهر ومقاطعة لذة النوم==== واشواق جياشه وعشق وتعابير المميز شكرا على الذوق الرائع

انت منبع الذووق
شكرآ على المرور

[المميز]

اقتباس من مشاركة محمد الراشد فعلا انت مميز حتى لون سيارتك الهمر مميز

مشكووور اخوي الراااشد
يفداك الهمر وصاحب الهمر