[عبدالعزيز الخياري]

اخواني مشرفين واعضاء وزاور شبكة بني عبس اضع بين ايديكم هذه الابيات المتواضعه ارجو ان
تنال إعجابكم:

[POEM="font="Arial,5,darkblue,bold,normal" bkcolor="transparent" bkimage="" border="double,3,indigo" type=2 line=0 align=center use=ex num="0,black""]وحالي اللي عذاب البعد متعبها=كني غريب(ن) يعيش بعالمن خالي
اذكر ليالي مضت واسج واحسبها=راحت وباقي صداها حي لازالي
ايام اغني لها وايام اعاتبها =وايام تبقى طوال الوقت في بالي
روحي حداني زماني عن مطالبها=كنه تعمد شقاي وصب غربالي
حتى حضوضي بليا ذنب عاقبها=بالارض ينزل بها من قمة العالي
ياصاحبي ياابعد العالم ويااقربها=ياسبة جروح روحي باول وتالي
اقرا حروف(ن) لك الهاجوس يكتبها=يشرح لك الوضع ويعبر عن احوالي
تدري وش اقسى ليال العمر واصعبها=لاهبت ارياح فرقا من سما غالي
مالي جدا إلا أني اصارع هبايبها=والعب على القافيه واجر موالي
ادله النفس بالاشعار واطربها=كل الطواريق في ذكراك تصفالي
معظم خواطر خفوقي فيك واغلبها=اتسلي الخاطر اللي ماهو بسالي
الليل بس انشد نجومه واخاطبها=متى على الله شمسه تشرق اقبالي
وارتاح من ضيقة(ن) معظم سبيابها=هبايب ارياح فرقا من سما غالي[/POEM]


أخوكم ومحبكم:
عبدالعزيز الخــياري

الموضوع الأصلي: ((اقسى ليال العمر واصعبها)) | | الكاتب: عبدالعزيز الخياري | | المصدر: شبكة بني عبس

[محمد السنيني]

ـيــــــــــــــــاسلام;););););)
صح اللسانك:p:p:p:p

[عبدالعزيز الخياري]

صح بدنك يالسنيني
ومشكور على مرورك

[ابوعمرالعبسي]

صح لسانك وقصيد طيبه ومن شاعر طيب

[عبدالعزيزالعويمري]

روحـي حدانـي زمانـي عـن مطالبـهـا
كنـه تعـمـد شـقـاي وصــب غربـالـي
حتـى حضوضـي بلـيـا ذنــب عاقبـهـا
بـالارض ينـزل بهـا مـن قمـة العـالـي

صح لسانك اخوي عبدالعزيز

قصيده جزله من شخص جزل

الله يعطيك الف عافي

سجل اعجابي بك

تحيااااتي

[عبدالعزيز الخياري]

صح بدنك يابوعمر وانت طيب ولاهنت على مرورك

[فيصل الرشيدي]

الله الله الله

ابداااااااااااااااااع غير مستغرب

لله درك يا ابودحيم ...

صح لسانك ,,, صح لسانك,,, صح لسانك ,,, وبيض الله وجهك على هالرائعه

وتسلم عسى تسلم من الشر يمناك ...

[فواز الدواي]

مالـي جـدا إلا أنـي اصــارع هبايبـهـا
والعـب علـى القافـيـه واجــر مـوالـي
ادلــه الـنـفـس بـالاشـعـار واطـربـهـا
كـل الطواريـق فـي ذكــراك تصفـالـي

صح السانك وسجل اعجابي بالحقيقه جزاله