[بدر الحشية]

يا ما حلا ياعبيد في وقت الاسفـار=جذب الفراش وشب ضـو المنـارة
مع دلةٍ تصلى على واهـج النـار=ونجـرٍ ليـا حـرّك تزايـد عبـاره
في ربعة ما هي بـتحجب عن الجار=لا من خطو الـلاش ماشـب نـاره
النجـر دق وجاوبـه كـل مـرار=ما لفه الملفـوف مـن دون جـاره
واخير منهـا ركعتيـنٍ بالاسحـار=لا طاب نوم اللـي حياتـه خسـارة
تلقاه فـي يـومٍ يضيعـن الافكـار=يومٍ على المخلوق ما اطول نهـاره
وقم في قصير البيت حشمة ومقدار=لو جار فادمح له ولو بـه خسـارة
ترى النبي وصى على الجار لو جار=خذ الحـذر ياعبيـد قبـل النـذارة
رافق قوي الدين حفـاظ الاسـرار=ينفعك في يومٍ يجـي بـه كـرارة
ترى الهوى والغي هن شر الاشرار=ومن داس عار الناس داسوا لعـاره
جنّب ردي الكار مـا فيـه تعبـار=ما فيه من فعـل المناعيـر شـارة
جنب عنه خلّه لـقصاف الاعمـار=واحفظ وصاتـي يارفيـع المنـارة
واسلم ودم بالخير يا طيـر غيمـار=وصلوا على المختار ما غار غـارة

الموضوع الأصلي: ياما حلا ياعبيد في وقت الاسفار | | الكاتب: بدر الحشية | | المصدر: شبكة بني عبس

[خليف الوهيداني]

بدر تعجبني باختياراتك للقصايد

وهذا يدل على ذوقك الرائع والجزل

لاهنت يابدر

لك احترامي

[غازي البراك]

مشكور على هذا الاختيار الله يعطيك العافيه

[بدر الحشية]

خليف الوهيداني
غازي البراك
مروركم الرائع شهادة اعتز بها
الف شكر لكم على المرور ولاهنتم

[خليف الوهيداني]

مره ثانيه عود واقول وينك


يابدر

كل عام وانت بخير

[بدر الحشية]

اقتباس من مشاركة خليف الوهيداني مره ثانيه عود واقول وينك يابدر كل عام وانت بخير

انا موجود
لكن هاليومين في الاراضي المقدسة
مشكور ولاهنت على السؤال
وانت الخير لكل عام

[الجـــــادل]

مع دلةٍ تصلى علـى واهـج النـار
ونجرٍ ليـا حـرّك تزايـد عبـاره
في ربعة ما هي بتحجب عن الجـار
لا من خطو الـلاش ماشـب نـاره
النجـر دق وجاوبـه كـل مـرار
ما لفه الملفـوف مـن دون جـاره

صح احساسك اخوي بدر لاهنت

تقبل تحيتي

أختك الجادل

[بدر الحشية]

اختي الجادل
مشكورة على المرور الرائع