[مرشدالمظيبري]

محاورة بين الشاعرين رجا الله المحمدي ورشيد بن معدي :




رشيد :

سلام يامحفل أهل المجد وأهل الوفا

رديتن يقدح الكبريـت بأطرافهـا

ياصاحبي يارجا الله عرفنا بك كفا

مفتاح بيت القصيدة وزن محرافها

رجا الله :

يامرحبا وسط حفلة نورها ما طفى

من مرها شافها من مرها شافهـا

البحر دوبه صفا والجو دوبه صفا

لكن نية رشيـد أخافهـا أخافهـا

رشيد :

لك البقا وأشكر أهل الحفل واللي لفا

أهل الوفا ماأقرض أسهمها ومعرافها

وأنته من الشك والهوجاس قشعة شفا

تومي من النود وعصار الهوى لافها

رجا الله:

سعود ثوبه ضفا ورشيد ثوبه ضفا

والخير والشر قدم الناس وخلافها

الظن والشك لايشقيك خلـه قفـا

تبغى ترد غبة الأمواج وتعافهـا

رشيد :

رشيد ضاري لرجم بليس بالموقفا

وسعود لن جاته الصعبات عسافها

تو ابتدت ياخوي مقيط بالمزلفـا

الحذفة الطايشة ترجـع لحذافهـا

رجا الله :

الحمـد لله والأيــام بـردودفـا

جنيته رشيد من قبل أمس بكتافهـا

ياكم ياكم نجمن بان ثـم اختفـى

يامثبتن روس خلق الله على أكتافها

رشيد :

رجليك والصمد يامصودع يجيك الحفا

لاتصير في قبـة مسيلـم وتطافهـا

أنا أدري إنك تبا المخراج والمصرفا

مير الخزينة ذهبهـا بيـد صرافهـا

رجا الله :

رجليك والنار يامرضان تبغى الشفـا

العاصفـة لاتطيـر عبـس ولحافهـا

العـود هـذا مهـول قـر وإلا نفـا

يرضي خبول العرب ويحارب أشرافها

رشيد:

إن هبت الريح هوجا رحت مثل السفا

والله لا أغني على الحربي بجغرافهـا

والله لا أحدك على الضيقة وصم الصفا

وتثور بنـدق عيـل وتصيـر لقافهـا

رجاالله :

تقولها وأنت شايب ميـت ملحفـا

مكتوب مكتوب مع حايل مع أوقافها

يالشايب مكتفـا يالشايـب مكتفـا

بكتاف جنيتـك وكتافـك كتافهـا

رشيد :

تقولها وأنت نايم ملتحـف شرشفـا

لكن وش ها لمصيبة وش تشرشافها

ياصاحب المعرفة وش علم رميك هفا

الله يخلف على الحبـلان وأسلافهـا

رجا الله :

لابارك الله بشايـب عبـس لاخرفـا

ينفخ على الالناس لين يضيق محرافها

لاقلت يارشيد علمن شين قلنـا جفـا

ما يختلف سيـف عزوتنـا وسيافهـا

رشيد :

الله يبارك بشايب حرب لا ذرفـا

إن وايق البير حول قبل غرافهـا

أنا أدري إنك شنيف المنشنف شنفا

لكن أا نيـك نربطهـا بمشنافهـا

رجا الله :

اللي مضى لي كفا واللي مضى لك كفى

أنا على بيرها وأنتـه علـى أردافهـا

الموضوع الأصلي: رجا الله المحمدي ــ رحمه الله ـــ ورشيد بن معدي . | | الكاتب: مرشدالمظيبري | | المصدر: شبكة بني عبس

[معلا المظيبري]

الله يعطيك العافيه ياخال وصح لسان الشعرين
والشكر خاص للشاعر رشيد تقبل مروري

[صقر ابن عبس]

الله يعطيك العافيه ياخال وصح لسان الشعرين
والشكر خاص للشاعر رشيد تقبل مروري

[(*العرعري*)]

بيض الله جهك

[مرشدالمظيبري]

يعطيكم العافية على المرور

[هاوي شعر]

الله يرحم رجاء الله الحربي
ويبقى رشيد بن معدي
شعراء كبار

[مرشدالمظيبري]

يعطيك العافية على المرور